ق ر پرەمەر-ءمينيسترىنىڭ قوستاناي وبلىسىنا جۇمىس ساپارىنىڭ قورىتىندىسى شىعارىلدى

استانا. قازاقپارات - بۇگىن ق ر پرەمەر-ءمينيسترى قوستاناي وبلىسىنىڭ الەۋمەتتىك-ەكونوميكالىق دامۋىمەن جەكە ءوزى تانىستى.

كارىم ءماسىموۆ قوستاناي اگرارشىلارىنىڭ پروبلەمالى ماسەلەلەرىن قارادى، دەپ حابارلايدى Pm.kz.

پرەمەر-ءمينيستردىڭ جۇمىس ساپارى ءداستۇرلى قوستاناي اۋەجايىنىڭ قاۋىپسىزدىگىن تەكسەرۋدەن باستالدى. وڭىرلەرگە ساپارى بارىسىندا ك. ءماسىموۆ كولىك ينفراقۇرىلىمى نىساندارىندا، اتاپ ايتقادا اۋەجايلاردا قاۋىپسىزدىكتى قامتاماسىز ەتۋ ماسەلەلەرىن ايرىقشا باقىلاۋدا ۇستاپ وتىر. قوستاناي اۋەجايىنا قاتىستى ك. ءماسىموۆ ءوزىنىڭ تۆيتتەردەگى اككاۋنتىندا: «قوستاناي اۋەجايىنىڭ جۇمىسىمەن تانىستىم. قايتا جوندەۋدى قاجەت ەتەدى» دەپ جازدى.

سونداي-اق ق ر پرەمەر-ءمينيسترى «نۇرلى جول» مەملەكەتتىك باعدارلاماسى بويىنشا تۇرعىن شاعىن اۋدانى قۇرىلىسىنىڭ ساپاسىن باعالادى. ايتا كەتكەن ءجون، مەملەكەت پەن جەكە ينۆەستورلار تاراپىنان تۇرعىن ءۇي قۇرىلىسى سالاسىنداعى بەلسەندى ساياسات قۇرىلىستىڭ جوعارى قارقىنىن ساقتاۋعا مۇمكىندىك بەردى.

سونىمەن، 2016-جىلى 89,6 مىڭ شارشى مەتر تۇرعىن ءۇي نەمەسە 2015-جىلدىڭ وسى كەزەڭىمەن سالىستىرعاندا %101,6 ى پايدالانۋعا بەرىلگەن.

بۇدان ءارى ك. ءماسىموۆ زاۋىتتى ارالاۋ بارىسىندا ەكسپورتقا جىبەرىلەتىن قازاقستاندىق اۆتوكولىكتەردى جەكە سىناپ كوردى.

سول كۇنى ق ر پرەمەر-ءمينيسترى ەكى كەڭەس وتكىزدى. ولاردىڭ ءبىرى - «ازاماتتارعا ارنالعان ۇكىمەت» مەملەكەتتىك كورپوراتسياسى اياسىندا حالىققا مەملەكەتتىك قىزمەت كورسەتۋ ماسەلەلەرى بويىنشا. - «ازاماتتارعا ارنالعان ۇكىمەت» جۇمىس ىستەگەلى بەرى جۇمىسىندا ماڭىزدى جەتىستىكتەرگە قول جەتكىزدى. مەملەكەتتىك قىزمەت ىستەرى بويىنشا مينيسترلىك جۇرگىزگەن زەرتتەۋلەردىڭ ناتيجەسى بويىنشا حالىقتىڭ %79  ۇيىمنىڭ جۇمىس ساپاسىنا ريزا.

ەكىنشى كەڭەس - وبلىستىڭ ءبىر كاسىپورنىندا اگروونەركاسىپ سەكتورىنىڭ وكىلدەرىمەن. كۇن تارتىبىندە وڭىردە مال شارۋشىلىعىن دامىتۋدىڭ جاعدايى مەن پەرسپەكتيۆالارىن تالقىلاۋ تۇردى. ق ر پرەمەر-ءمينيسترى جاعدايمەن تانىسىپ، قوستاناي وبلىسىنداعى مال شارۋاشىلىعىن دامىتۋ بويىنشا ناقتى تاپسىرمالار بەردى.

ەستەرىڭىزگە سالساق، قازاقستان پرەمەر-ءمينيسترىنىڭ قوستاناي وبلىسىنا جۇمىس ساپارى بارىسىنىڭ تىكەلەي تاراتىلىمىن live جانە Periscope رەجىمىندە رەسمي پاراقشالاردا كورۋگە بولادى: https://www.facebook.com/pmkzofficial/ جانە https://twitter.com/pmkz_site.