كۇن جۇيەسىندە تاعى ءبىر عالامشار بار بولىپ شىقتى
2015RR245 اسپان دەنەسى 730 جىل كەزەڭىمەن 34-120 استرونوميالىق بىرلىك قاشىقتىقتا سوزىلعان جولىندا كۇننىڭ اينالاسىندا قوزعالادى ەكەن. ەرگەجەيلى عالامشاردىڭ راديۋسى - 350 شاقىرىم. اسپان دەنەسىنىڭ سىرتقى قاباتى مۇزدالعان ازوت، سۋ، كومىرتەگى مونووكسيدى جانە از مولشەردە وسى حيميالىق ەلەمەنتتىڭ كۇردەلى بايلانىسقان ءتۇرى بار. ونىڭ ىشكى قاباتىنىڭ تەمپەراتۋراسى مينۋس 220 گرادۋس سەلسي. بۇل ەرگەجەيلى عالامشاردىڭ ماتەرياسىن ساقتايدى جانە ءپىشىنىن وزگەرتپەيدى.
2015 RR245 عالامشارى كۇنگە تەك 2096 -جىلى جاقىنداۋى مۇمكىن. وعان دەيىن عالىمدار اسپان دەنەسىنىڭ وربيتاسىن زەرتتەپ، فيزيكالىق جانە حيميالىق قۇرىلىمىن ءتۇسىنۋدى جوسپارلاپ وتىر. نەگىزى كۇن جۇيەسىندە سەگىز عالامشار بار. ولاردىڭ ىشىندە ەڭ الىبى ءارى اۋىرى - يۋپيتەر. پلۋتون 2006 -جىلدان باستاپ عالامشار بولىپ ەسەپتەلمەيدى، سەبەبى ول عالامشارعا ءتان شارتتارعا سايكەس ەمەس. ول ءوز وربيتاسىندا باسىمدىققا يە ەمەس.
tengrinews.kz
