رەسەيدىڭ ساراتوۆ وبلىسىنداعى وزەننەن قازاقستاندىقتىڭ ءمايىتى تابىلدى

استانا. قازاقپارات - ساراتوۆ وبلىسىنداعى گۋسەلكا وزەنىنى جاعاسىندا ويناپ جۇرگەن بالالار ەر ادامنىڭ مۇردەسىن كورگەن، دەپ حابارلايدى om-saratov.ru.

وقيعا ورنىنا بارعان وبلىستىق تەرگەۋ باسقارماسىنىڭ تەرگەۋشىسى يليا ليتۆينوۆتىڭ ايتۋىنشا، ارنانى قامىس باسىپ كەتكەن، سوندىقتان قۇقى قورعاۋشى مۇردەگە قۇتقارۋشىلار كومەگىمەن ازەر جەتكەن.

«مارقۇمنىڭ قۇجاتى، اقشاسى جانە تەلەفونى وزىندە ساقتالعان. سول ارقىلى ونىڭ قازاقستان ازاماتى ەكەندىگى انىقتالىپ، ونىڭ ساراتوۆقا جۇمىس ىستەۋ ءۇشىن كەلگەنىن بەلگىلى بولعان. ءولى دەنەدە جاراقات، سوققىنىڭ ءىزى جوق. سوندىقتان ونىڭ ءولىمى تابيعي بولۋى مۇمكىن. الايدا ونىڭ ەلدى مەكەننەن الىس قامىستىڭ اراسىندا نە ىستەپ جۇرگەنىن انىقتاۋ كەرەك»، دەيدى تەرگەۋشى.