كىمنىڭ پرەمەر-مينيستر بولاتىنى انىقتالدى

استانا. قازاقپارات - ۇلى بريتانيا پرەمەر-ءمينيسترى دەۆيد كەمەرون وسىعان دەيىن كۇزدە وتستاۆكاعا كەتەتىن بولعان ەدى.

ءبىراق، ول تاياۋدا عانا مالىمدەمە جاساپ، 13- شىلدە كۇنى كرەسلوسىن بوساتاتىنىن ايتتى، دەپ حابارلايدى BBC گە سىلتەمەمەن 24.kz.

كەمەروننىڭ مالىمدەۋىنشە، ونىڭ ورنىن قازىرگى ىشكى ىستەر ءمينيسترى تەرەزا مەي باسىپ، بريتان ۇكىمەتىن ايەل ادام باسقاراتىن بولادى.

«بۇل وتە كۇشتى جانە ەل باسقارۋعا لايىقتى ايەل. بريتانياعا وسىنداي ادام كەرەك. سول سەبەپتى مەن ونى قولدايمىن»، - دەدى كەمەرون.

ەستەرىڭىزگە سالا كەتسەك، وسىعان دەيىن پرەمەر-مينيستر لاۋازىمى ءۇشىن مەيمەن تالاسقان ۇلى بريتانيا ەنەرگەتيكا ءمينيسترىنىڭ ورىنباسارى اندرەا ليدسوم بۇل قىزمەت ءۇشىن ءارى قاراي كۇرەسپەيتىنىن ايتتى. ءسويتىپ، ەندى تەرەزا مەي پرەمەرلىككە ۇمتىلعان جالعىز ۇمىتكەر بولىپ قالدى.