عالىمدار جىرتقىش روبوت جاساپ جاتىر
قۇرىلعىنى جاساپ جاتقانداردىڭ ايتۋىنشا، جىرتقىشتارعا ۇقساس روبوتتاردى جاساۋ - ادامدارمەن كۇندەلىكتى ومىردە جۇمىس ىستەي الاتىن ماشينانى جاساۋعا قاجەتتى قادامداردىڭ ءبىرى. ايتا كەتەيىك، شۆەيتساريالىق عالىمداردىڭ جوباسى VISUALISE باعدارلاماسىنىڭ ءبىر بولىگى بولىپ سانالادى. ونىڭ ماقساتى - جانۋارلاردىڭ كوزىنىڭ قالاي جۇمىس ىستەيتىنىن كورسەتە الاتىن قۇرىلعى جاساۋ.
روبوت وسىلايشا كورە الادى
عالىمداردىڭ ايتۋىنشا، مۇنداي جىرتقىشقا بىرنەشە اقپاراتتى بىردەن تەز قابىلداۋ كەرەك. اقپاراتتىڭ ءبىراز بولىگىن كوزبەن قابىلداۋعا بولادى ەكەن.
سونىمەن قاتار، روبوتتى جاساۋشىلار ولارعا ەرەكشە مۇمكىندىكتەردى قوسىپ وتىر. ول ەكى نەگىزگى ەلەمەنتتەن تۇرادى: ءبىرىنشىسى - بەلگىلى ءبىر كامەرالاردىڭ جۇيەسى، ال ەكىنشىسى - نەيرون جەلىلىسىڭ ارنايى ءتۇرى.
وسى ەكى ەلەمەنتتىڭ ارقاسىندا عالىمدار روبوتتارعا نىسانداردى كورۋدى ۇيرەتىپ جاتىر. ولاردىڭ arXiv.org سايتىندا جاريالانعان عىلىمي ماقالاسىندا جانۋارلاردىڭ كوزدەرىنىڭ كەيبىر فۋنكتسيالارىن ۇقساتا الاتىن نەيرومورف كامەراسى تۋرالى ايتىلادى.
ايتا كەتەيىك، روبوت ارنايى «كرەمنيلى تور قابىعىمەن» جابدىقتالدى. ول ادەتتەگى كامەرا سياقتى كادرلار ءتۇسىرىپ قانا ەمەس، شىن ومىردەگى وزگەرىستەردى باقىلاپ وتىراتىن بولادى.
جىرتقىش روبوت اقپاراتتى كامەرانىڭ كوزى ارقىلى، ياعني تەرەڭ نەيرون جەلىلەرى ارقىلى قابىلدايدى. سونىمەن قاتار، ول قۇربانىنىڭ ارەكەتتەرىن ەستە ساقتايدى. ال كەيىنىرەك ماشينا كەڭىستىكتە جاقسى جۇمىس ىستەيتىن بولادى.
Kaz.tengrinews.kz
