ق ر پرەمەر-ءمينيسترى ش. ءۋاليحانوۆتىڭ اتاجۇرتىندا بولدى

استانا. قازاقپارات - ق ر پرەمەر-ءمينيسترى كارىم ءماسىموۆ سولتۇستىك قازاقستان وبلىسىنداعى «ايعانىم» تاريحي- ەتنوگرافيالىق كەشەنىندە بولدى، دەپ حابارلايدى Pm.kz.

مۇراجاي تاريحى تۋرالى پرەمەر-مينيسترگە مەملەكەتتىك كاسىپورىننىڭ ديرەكتورى ءۋاليحان قۇلبايەۆ اڭگىمەلەپ بەردى. «ايعانىم» كەشەنى - ءۋاليحانوۆتار اۋلەتىنىڭ قونىسى، مۇندا ۇلى قازاق عالىمى، تاريحشىسى جانە ساياحاتشىسى شوقان ءۋاليحانوۆتىڭ اجەسى تۇرعان. مۇراجاي كەشەنى 19- عاسىردا ايىرتاۋ اۋدانىنداعى سىرىمبەت شاتقالىندا سالىنعان.

1917-جىلى قازان توڭكەرىسىنەن كەيىن ايعانىم مەكەنى بۇزىلىپ تاستالعان، ول تەك 1991-جىلى شوقان ءۋاليحانوۆتىڭ تۋعانىنا 150 جىلدىعىنا وراي قالپىنا كەلتىرىلگەن. مۇراجايدا ەتنوگرافتىڭ ءومىرى مەن قىزمەتى تۋرالى سىر شەرتەتىن 6530 ەكسپونات بار.