قازپوشتا گەننادي گولوۆكينگە ارنالعان ماركا شىعاردى - فوتو
«الەمدەگى ەڭ اتاقتى بوكسشىلاردىڭ ءبىرى ءبىزدىڭ پوشتالىق ماركالارىمىزعا شىعارىلدى. گەننادي قازاقستاندىق بوكستى ناسيحاتتاۋ ءۇشىن جانە ەلىمىزدىڭ كۇللى الەمگە تانىمال ەتۋ ءۇشىن وتە كوپ دۇنيەلەر جاسادى. ماركالاردى قازىرگى كەزدەن باستاپ كومپانيانىڭ فيلاتەليا سالوندارى مەن بولىمشەلەرىنەن جانە ونلاين postmarket.kz دۇكەنىنەن ساتىپ الۋعا بولادى» - دەپ حابارلادى «قازپوشتا» ا ق باسقارما ءتوراعاسى باعدات مۋسين.
«سپورت» سەرياسىنىڭ «قازاقستان چەمپيوندارى. گەننادي گولوۆكين» تاقىرىبىنداعى بەس ماركادان تۇراتىن پوشتالىق توپتاما 4 بوياۋدان تۇراتىن وفسەتتىك باسپامەن ورىندالعان. سۋرەتشىسى ك. پلۋجنيكوۆا، توپتامادا بوياۋلاردى قورعايتىن ۋ ف - بەكىتۋ ەلەمەنتتەرى پايدالانىلعان.
توپتاماداعى پوشتالىق ماركالاردىڭ نومينالدارى - «ا» ليتەرلەرى (121) تەڭگە - سالماعى 20 گرامعا دەيىنگى زاڭدى تۇلعالارعا ارنالعان جەر ءۇستى كولىگىمەن تاسىمالداناتىن قالىپتى حاتتى جونەلتۋگە ارنالعان تاريفكە سايكەس، «ۆ» ليتەرلەرى (200) تەڭگە - 20 گرامعا دەيىنگى جەر ءۇستى كولىگىمەن ت م د ەلدەرىنە تاسىمالداناتىن قالىپتى حاتتى جونەلتۋگە ارنالعان تاريفكە سايكەس، ال «س» ليتەرلەرى (218) تەڭگە - سالماعى 20 گرامعا دەيىنگى جەر ءۇستى كولىگىمەن قازاقستان رەسپۋبليكا اۋماعى بويىنشا تاسىمالداناتىن قالىپتى حاتتى جونەلتۋگە ارنالعان تاريفكە سايكەس كەلەدى. پوشتالىق ماركالار «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورىندا باسىپ شىعارىلعان.
