ەندى يليا يليننىڭ ءار الەم چەمپيوناتىنداعى سىنامالارىن قايتا تەكسەرۋى مۇمكىن

استانا. قازاقپارات - الەمدەگى بىرنەشە سپورتتىق فانبلوگتار يليا ءيليننىڭ ءار الەم چەمپيوناتىنداعى سىنامالارىن قايتا تەكسەرۋ كەرەكتىگىن ايتىپ جاتىر.

بۇل تۋرالى «الامان» سايتى حابارلادى.

«زاڭ بويىنشا ءار سپورتشىنىڭ دوپينگ سىناماسى ون جىل ساقتالادى. دەمەك، IWF يليننىڭ 2006، 2011، 2013-جىلعى الەم چەمپيوناتتارىنداعى سىنامالارىن عانا تەكسەرە الادى. الەم چەمپيوناتىندا الىنعان سىنامالار IWF قاراۋىندا بولادى. ال وليمپيادادا الىنعان دوپينگ اناليزدەرىن حالىقارالىق وليمپيادا كوميتەتى وزىندە ساقتايدى»، دەپ جازادى «الامان».

وسىعان دەيىن حالىقارالىق اۋىر اتلەتيكا فەدەراتسياسى (IWF) قازاقستاندىق اۋىر اتلەت يليا يليننىڭ بەيجىڭ مەن لوندون وليمپيادالارى كەزىندە الىنعان سىنامالارىنان دوپينگ تابىلعانىن مالىمدەگەن. سونداي-اق، لوندوندا التىن العان قازاق سپورتشىلارى ءزۇلفيا چينشانلو، مايا مانەزا مەن سۆەتلانا پودوبەدوۆانىڭ دا سىنامالارى وڭ ناتيجە بەرگەن.

ال وسىعان دەيىن ب ا ق وكىلدەرى يلين، چينشانلو، پودوبەدوۆا جانە مانەزاعا قاتىستى شەشىم 11-15- شىلدە ارالىعىندا شىعادى دەپ مالىمدەگەن بولاتىن. وندا ەگەر اتالعان سپورتشىلاردىڭ دوپينگ قولدانعاندارى تولىق دالەلدەنسە، ح و ك يلين مەن ءۇش چەمپيوننىڭ مەدالىن الىپ، جاڭا چەمپيوندارعا تابىستايتىنى كورسەتىلگەن.

اۆتور: كۇنسۇلتان وتارباي