كارىم ءماسىموۆ سولتۇستىك قازاقستان وبلىسىنا جۇمىس ساپارىمەن كەلدى

استانا. قازاقپارات - مەملەكەت باسشىسىنىڭ تاپسىرماسى بويىنشا ق ر پرەمەر-ءمينيسترى ايماقتاردى ارالاۋدى جالعاستىرۋدا.

بۇگىن ق ر ۇكىمەتى باسشىسى سولتۇستىك قازاقستان وبلىسىنا كەلدى، دەپ حابارلايدى pm.kz.

كارىم ءماسىموۆ سولتۇستىك وڭىردەگى اۋىل شارۋاشىلىعى كاسىپورىندارىن ارالاپ، ماشينا جاساۋ تەحنيكاسى وندىرىسىمەن تانىسادى، سونداي-اق استىقتى ايماقتا ا و ك دامىتۋ بويىنشا كەڭەس وتكىزەدى دەپ كۇتىلۋدە.

سونىمەن قاتار، پەتروپاۆلداعى جاڭا سپورت سارايىندا پرەمەر-مينيستر سپورتشىلارمەن كەزدەسەدى.

كارىم ءماسىموۆ اتاپ وتكەندەي، جۇمىس ساپارى كەزىندە مەملەكەتتىك باعدارلامالاردىڭ جۇزەگە اسىرىلۋىنا، وڭىردەگى وزەكتى ماسەلەلەردىڭ قاراستىرىلۋى مەن شەشىلۋىنە باسا نازار اۋدارىلاتىن بولادى، جۇمىسپەن قامتۋ ماسەلەسىنە ەرەكشە كوڭىل بولىنبەك. اتاپ ايتقاندا، پرەمەر-مينيستر س ق و- دا «جۇمىسپەن قامتۋدىڭ جول كارتاسى-2020» باعدارلاماسىنىڭ ورىندالۋىن، ايماقتار اراسىنداعى جۇمىس كۇشىنىڭ جۇمىلۋىنىڭ جاي-كۇيىن باعالايدى.

ەسكە سالايىق، ق ر پرەمەر-ءمينيسترىنىڭ جۇمىس ساپارلارىن ەندى facebook جەلىسىندەگى https://www.facebook.com/pmkzofficial/ رەسمي پاراقشاسىندا جانە https://twitter.com/pmkz_site live رەجىمىندە كورۋگە بولادى.