ءبىرجان جاقىپوۆتىڭ تۋعان كۇنىنە جانىبەك ءالىمحان ۇلى كەرەمەت ءان تارتۋ ەتتى - كەسكىن

استانا. قازاقپارات - جاقىندا بوكستان قازاقستان ۇلتتىق قۇراماسىنىڭ سپورتشىسى 49 كەلى سالماق دارەجەسىندە ونەر كورسەتەتىن ءبىرجان جاقىپوۆ ءوزىنىڭ 32 جاسقا تولعان مەرەيلى تۋعان كۇنىن الماتى وبلىسىنداعى وقۋ-جاتتىعۋ لاگەرىندە اتاپ ءوتتى.

وندا ءبىرجان مەن بىرگە جاتتىعاتىن ۇلتتىق قۇراماداعى بارلىق بوكسشىلار جينالىپ، ارىپتەسىنىڭ تۋعان كۇنىن ەرەكشە اتاپ ءوتتى.

75 كەلىدە ونەر كورسەتەتىن جانىبەك ءالىمحان ۇلى قولىنا گيتارا الىپ، «العا، قازاق جىگىتتەرى!» دەگەن ءاندى ءوزىنىڭ ورىنداۋىندا تۋعان كۇن يەسىنە تارتۋ ەتتى. ال دوستارى جانىبەككە ىلەسىپ بىرگە شىرقادى.

وسىلايشا، ءبىزدىڭ ۇلتتىق قۇراما بوكسشىلارى ونەردەن دە قۇرالاقان ەمەستىگىن كورسەتە ءبىلدى.

وسى ورايدا ايتا كەتەيىك، ءبىرجان - وسى ريو وليمپياداسىنا باراتىن 10 بوكسشىنىڭ ىشىندەگى سالماعى ەڭ جەڭىل سپورتشى بولعانى مەن جاس ەرەكشەلىگى جاعىنان ەڭ ۇلكەنى. ول بيىل وسىمەن ءۇشىنشى رەت وليمپياداعا بارا جاتىر.

اۆتور: كۇنسۇلتان وتارباي