قازاقستاندىقتاردىڭ مۋزەيگە قىزىعۋشىلىعى ارتىپ كەلەدى
ال اعىمداعى جىلدىڭ العاشقى التى ايىنىڭ وزىندە كەلۋشىلەر سانى 86 مىڭ 797 ادامنان استى.
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالىق قىزمەتىندە وتكەن بريفينگتە ق ر ۇلتتىق مۋزەي ديرەكتورىنىڭ ورىنباسارى اباي ساتىبالدين ءمالىم ەتتى.
مۋزەي وكىلىنىڭ ايتۋىنشا، كەلۋشىلەردىڭ ىشىندە، اسىرەسە، ەلوردا قوناقتارىنىڭ، شەتەلدىكتەردىڭ ۇلەسى زور.
«2016-جىلدىڭ ماۋسىم ايىندا كەلۋشىلەر اراسىنان ستۋدەنتتەر، مەكتەپ وقۋشىلارى، ەرەسەكتەر، تۋريستىك توپتار سەكىلدى ساناتتاردىڭ ارتقانى بايقالدى. بۇل حالىقتىڭ مۋزەيگە دەگەن قىزىعۋشىلىعىنىڭ ارتىپ وتىرعانىن كورسەتەدى. ەگەر 2015-جىلى مۋزەيگە 158 مىڭ ادام كەلسە، 2016-جىلدىڭ بىرىنشى جارتىجىلدىعىندا 86 مىڭ 797 ادام مۋزەيدە بولدى»، - دەدى اباي ساتىبالدين.
ايتا كەتەرلىگى، مۋزەيدە كونە جانە ورتا عاسىر تاريحى زالى، ەتنوگرافيا زالى، التىن زال، تاۋەلسىز قازاقستان جانە استانا زالى، كورمەلەر زالى، قارۋ-جاراقتار مەن كىلەمدەر كوللەكتسياسىنىڭ زالى جۇمىس ىستەپ تۇر. مۋزەيدىڭ ەكسپوزيتسياسى حرونولوگيالىق تارتىپپەن ورنالاستىرىلعان، زاماناۋي كورمە تەحنولوگيالارى پايدالانىلعان. مۋزەي جاز ايلارىندا دا حالىققا ۇزدىكسىز قىزمەت كورسەتۋدى جالعاستىراتىن بولادى.
«مۋزەي زالدارمەن شەكتەلمەي، قوناقتارعا ءتۇرلى تانىمدىق، مادەني ءىس-شارالار مەن كورمەلەردى ۇيىمداستىرۋىمەن ەرەكشەلەنەدى. باعدارلاماعا دەكوراتيۆتىك قولونەر، بەينەلەۋ ونەرى, زاماناۋي ونەر، فوتوكورمەلەر، اكسيالار، مۋزەي ساباقتارى، بايقاۋلار، دارىستەر، دوڭگەلەك ۇستەلدەر مەن سەمينارلار كىرەدى. كەلۋشىلەرگە 5 تىلدە: قازاق، ورىس، اعىلشىن، قىتاي جانە تۇرىك تىلدەرىندە ەكسكۋرسيا جۇرگىزىلەدى»، - دەدى ا. ساتىبالدين.
ونىڭ ايتۋىنشا، بيىل مۋزەيدە بارلىعى 10 حالىقارالىق جانە 20 رەسپۋبليكالىق كورمە ۇيىمداستىرۋ كوزدەلگەن.
اۆتور: قانات مامەتقازى ۇلى
