قاراعاندىدا «پوليگلوت» بايقاۋى ءوز مارەسىنە جەتتى

استانا. قازاقپارات - قاراعاندى وبلىسىنىڭ توتەنشە جاعدايلار دەپارتامەنتىندە قۇرىلىمدىق بولىمشەلەر مەن ونىڭ ۆەدومستۆولىق باعىنىستى مەكەمەلەرىنىڭ ءۇش ءتىلدى مەڭگەرگەن قىزمەتكەرلەرى اراسىندا «پوليگلوت» وبلىستىق بايقاۋى ءوتتى.

بۇل تۋرالى ق ر ءى ءى م ت ج ك باسپا ءسوز قىزمەتى حابارلادى.

ت ج د باسشىسى ي. كۇلشىمبايەۆ وسى سىننىڭ جەڭىمپازى الداعى رەسپۋبليكالىق بايقاۋعا باراتىنىن جەتكىزدى.

بايقاۋدىڭ ماقساتى - ەلباسىنىڭ «تىلدەردىڭ ءۇش تۇعىرلىعى» مادەني جوباسىن ىسكە اسىرۋ، ءۇش ءتىلدى - قازاق، ورىس جانە اعىلشىن تىلدەرىن جەتىك مەڭگەرگەن قىزمەتكەرلەردى انىقتاۋ جانە قولداۋ، جان-جاقتى دامىعان، باسەكەگە قابىلەتتى تۇلعا تاربيەلەۋ.

سايىسقا قاتىسۋشىلاردىڭ العا قويعان مىندەتتەر وزدەرىنىڭ ءتىل ءبىلۋ بىلىمدەرىن كورسەتۋ بولدى. ءبىرىنشى كەزەڭدە قاتىسۋشىلار كورەرمەندەر مەن ءادىل قازىلار القاسىنا وزدەرىن ءۇش تىلدە تانىستىردى (قازاق، ورىس، اعىلشىن).

كەلەسى كەزەڭدە مەملەكەتتىك تىلدە بەرىلگەن توتەنشە جاعدايلاردىڭ 10 تەرمينىنىڭ ورىس جانە اعىلشىن تىلدەرىندەگى نۇسقاسىن جازۋ قاجەت بولدى. بۇدان ءارى قاتىسۋشىلار ەكراندا كورسەتىلگەن ءماتىننىڭ ورىس جانە قازاق تىلىندەگى نۇسقالارىن اۋداردى جانە سايىس سوڭىندا جەرەبە ارقىلى قاتىسۋشىلار وزدەرىنىڭ ءان ايتۋ، ءبي بيلەۋ، كۇي ورىنداۋ جانە ولەڭ وقۋ ونەرلەرىن ورتاعا سالدى.

بايقاۋ ۇمىتكەرلەرىنىڭ بىلىمدەرىن باعالاۋ كەزىندە، تىلدەردى مەڭگەرۋ دەڭگەيىنە، جازۋ ساۋاتتىلىعى مەن دۇرىس دىبىستالۋىنا، جاۋاپتىڭ ساپاسى مەن مازمۇندىلىعىنا اسا ءمان بەرىلەدى. «پوليگلوت» بايقاۋىنىڭ قورىتىندىسى بويىنشا 1- ورىنعا ايگەرىم جانات قىزى 55 ۇپايمەن يە بولدى، ەكىنشى جۇلدەلى ورىندى 47 ۇپايمەن ەركىن ادىلبەك ۇلى الدى، ال ءۇشىنشى ورىندى 45 ۇپايمەن دۋلات تولەش ۇلى يەلەندى. بارلىق قاتىسۋشىلارعا باعالى سىيلىقتار بەرىلدى.

1- ورىندى يەلەنگەن ايگەرىم جانات قىزى قازان ايىندا قاراعاندى وبلىستىق ت ج د اتىنان وسكەمەندە وتەتىن رەسپۋبليكالىق بايقاۋعا قاتىسادى.