02:18, 11 - شىلدە 2016 | GMT +5
ارحەولوگتار تىستەرى اشەكەيلەنگەن باسسۇيەك تاپتى
استانا. قازاقپارات - مەكسيكاداعى ەجەلگى تەوتيۋاكان قالاسىنىڭ ماڭىنا قازبا جۇمىستارىن جۇرگىزۋ كەزىندە ارحەولوگتار تىستەرى مينەرالدى تاستارمەن اشەكەيلەنگەن ايەل باسسۇيەگىن تاپتى، دەپ حابارلايدى mir24.tv.
زەرتتەۋشىلەردىڭ ايتۋىنشا، بۇل ولجا مايا وركەنيەتى وكىلدەرىنىڭ ءتىس پروتەزدەۋدى جاقسى بىلگەنىن كۋالاندىرادى. باسسۇيەكتىڭ استىڭعى جاعىنان سەرپەنتين تاسىنان دايىندالعان ءتىس پروتەزى تابىلعان. الدىڭعى ەكى تىسىنە دوڭگەلەك فورماداعى پيريت تاسى ورناتىلعان. بۇل مينەرال قۇرامىندا تەمىر وتە كوپ. نەمەسە تاستاردىڭ ساندىك قىزمەت اتقارۋى دا مۇمكىن.
ارحەولوگتاردىڭ بولجاۋىنشا، باسسۇيەك يەسى ايەل جانە ول شامامەن 40 جاسىندا قايتىس بولعان.
