تەمىر حان امەريكادا ءومىر ءسۇرۋ ءۇشىن قانشا اقشا كەرەك ەكەندىگىن ايتىپ بەردى

استانا. قازاقپارات - ا ق ش- قا كەتىپ الەۋمەتتىك جەلىدە جازعان جازبالارى شۋعا اينالعان الماتىلىق تەمىر حان ەسىمدى جىگىت وقىرمانداردىڭ ساۋالىنا تاپپىشتەپ جاۋاپ بەرەتىن تاعى ءبىر جازبا جازدى.

وندا ول امەريكادا ءومىر ءسۇرۋ ءۇشىن قانشا اقشا كەرەك ەكەندىگىن ايتىپ، سونداي-اق، ءبىراز تاجىريبەلىك كەڭەستەر بەرگەن.

بۇل تۋرالى ول فەيسبۋكتاعى پاراقشاسىندا جازدى.

«قايىرلى كۇن قۇرمەتتى قازاقستاندىقتار...سونىمەن، «وزىڭمەن بىرگە قانشا اقشا الىپ كەتۋ كەرەك؟» - وتە وزەكتى ساۋال...

ءسىز ول جاققا قانشا ۋاقىتقا باراسىز؟ نە ءۇشىن؟ اعىلشىنشا ۇيرەنىپ قايتۋ ما؟ ءبىر-ەكى جىل جۇمىس ىستەپ، اقشا جيناپ قايتۋ ما؟ جاسىڭىز قانشادا؟ جالعىزسىز با نەمەسە بالامەن، وتباسىمەن؟

بىردەن ايتايىن، ادامنىڭ جاس ەرەكشەلىگى دە كوپ ءرول وينايدى. ەگەر ادام جاس بولسا، از ۇيىقتاپ كوپ جۇمىس ىستەپ ۇلگەرەدى. ءتىلدى دە تەز مەڭگەرە الادى. ال ەگەر ءسىز 40 تا بولساڭىز، وندا ەكى جۇمىستى قاتار ىستەپ، ءتىل ۇيرەنۋ قيىنعا سوعار ەدى.

مەن ەندەشە تەك كەتەتىن شىعىنداردى ايتىپ وتەيىن.

«التىن» يمميگرانتىنىڭ پاكەتى:

كۇزەتى بار، جيھازى جاڭا، جاڭا اۋدانداعى پاتەر قۇنى 1200 دوللاردان باستالىپ 3000-4000 دوللارعا دەيىن جەتەدى. كوممۋنالدىق تولەمدەر: ينتەرنەت 40، جارىق 40 دوللاردان. ەگەر جۇرەتىن كولىكتى جالعا الساڭىز، ونىڭ باعاسى ايىنا 600 دوللاردان باستالادى.

تەك عانا «organic»  ونىمدەر ساتىپ الاسىز - ايىنا 700-1000 دوللارداي جۇمسالادى. ءار جەكسەنبى سايىنعى قىدىرۋعا 80-200 دوللار كولەمىندە. تەلەفون، ليميتسىز ينتەرنەت، مينۋتتار مەن س م س ءۇشىن 50-90 دوللار ارالىعىندا شىعىن كەتەدى.

ترەناجەر زالىايىنا 10 دوللاردان باستاپ 200 دوللارعا دەيىن الادى. سوندا ايىنا جالپى كەتەتىن شىعىن كولەمى: $1200 + 80 + 600 + 700 + 80*4 + 50 + 0 = $2950.00.

«جاي بولشى» يمميگرانتىنىڭ پاكەتى:

تەك بولمەنى عانا جالداپ، قوجايىنمەن ءبولىسۋ. بۇل كەزدە ۆاننا مەن دارەتحانانى دا بىرگە پايدالانۋعا تۋرا كەلەدى. قالا، اۋداننىڭ بەدەلىنە جانە جيھازىنا بايلانىستى باعاسى 500-900 دوللار ارالىعىندا بولادى.

كوممۋنالدىق تولەمدى كەيدە تەڭ بولەدى، كەيدە قوجايىننىڭ ءوزى تولەيدى (مۇنى ءاۋ باستا كەلىسىپ الۋ قاجەت). ازىق-تۇلىكتى بىزدەگى «ماگنۋم» سەكىلدى دۇكەندەردەن الاسىز. بۇعان اپتاسىنا 80-100 دوللارداي كەتەدى. ەگەر ەكى ادام بولىپ تۇرساڭىز، تاعى دا جەڭىلدەي تۇسەدى.

مەترومەن جۇرسەڭىز (نيۋ-يورك نەمەسە سان-فرانتسيسكودا) ءبىر بيلەتكە 2,25 دوللار تولەنەدى. ءبىراق، جول ءجۇرۋ بيلەتتەرىن ءبىر ايعا ارناپ ساتىپ الىپ، بارىنشا ارزان شىعىن كەتىرۋگە دە بولادى.

قىدىرۋ ءۇشىن 30-100 دوللار ارالىعىندا شىعىن. تەلەفون - ينتەرنەت ءليميتى 4 گ ب، ءليميتسىز قوڭىراۋلار مەن س م س- تەر 35-50 دوللار. ترەناجەر - قوجايىنمەن بىرگە تۇرىپ جاتقان سوڭ تەگىن بولۋى مۇمكىن. ەگەر ونىڭ كەشەنىندە ترەناجەر زال بولسا. نەمەسە ايىنا 10 دوللار تولەپ جاتتىعاسىڭ. قورىتىندىسىندا ءبىر ايعا: 745 دوللار.

«ويپىرماي» يمميگرانتىنىڭ پاكەتى:

مۇنداي جاعدايدا وزگە يمميگرانتتارمەن بىرگە ءبىر بولمەنى جالدايسىڭ. مينۋستارى: سانۋزەل مەن ۆاننانى عانا ەمەس، بولمەنى دە بولىسكە سالاسىڭ. ەگەر بىرەۋ تۇندە قورىلداسا، ايقايلاپ سويلەسسە دە شىداۋعا تۋرا كەلەدى. مۇنداي اۋدانداردا سۋسىن ءىشۋ ءۇشىن تۇندە جالعىز ءجۇرۋ وتە قاۋىپتى. قىزىڭدى دا ۇيىنە دەيىن شىعارىپ سالا المايسىڭ. پليۋسى: بولمە باعاسى ايىنا 250-350 دوللار.

ازىق-تۇلىك: اپتاسىنا 30 دوللار. جۇمىسقا ۆەليكپەن باراسىڭ: 50-100 دوللار. «ويپىرماي» پاكەتىندە قىدىرماي-اق، شەمىشكە ساتىپ الىپ، كينونى تەلەديداردان قاراي سالعان دۇرىس. تەلەفون: 35-50 دوللار. ترەناجەر...تاڭەرتەڭ ەرتە ويانىپ ۇيدە جاتتىعا سالعان ءجون...قورىتىندىسىندا: ايىنا 297 دوللار جۇمسالادى.

«بەيشارا» يمميگرانتىنىڭ پاكەتى:

مينۋستارىن ەمەس، تەك وڭ جاقتارىن ايتىپ وتەيىن: ول ۇيىقتاپ جاتقان كەزدە «ويپىرماي» يمميگرانتىنىڭ پاكەتىنەن ازىق-تۇلىك الىپ جەپ، «ويپىرماي» يمميگرانتىنىڭ پاكەتىندەگى تەلەفوندى سۇراپ سويلەسۋ. قىدىرۋدى - تەك ارمانداۋعا بولادى. ترەناجەر زالى... ودان دا بارىپ جۇمىس ىزدە. قورىتىندىسىندا: 210 دوللار. (بۇلايشا ۇزاق ءومىر ءسۇرۋ وتە قيىن، سول سەبەپتى بۇل پاكەت يمميگرانتتار اراسىندا ونشا تانىمال ەمەس).

باسپانانى جالعا الۋ كوپتەگەن فاكتورلارعا تاۋەلدى: شتات، قالا، اۋدان، ىڭعايلىلىق. سىرتقا شىققاندا first month, last month and security deposit بولمەلەردى ءجيى سۇرايدى - العاشقى ايعا تولەم، سوڭعى ايعا جانە كەپىلدىكپەن.

پاتەرگە بارعان كەزىڭىزدە سىزدەن بانك كارتاڭىزدى جانە اقشالاي مۇمكىندىگىڭىزدى، نەسيە تاريحىڭىزدى سۇراۋى مۇمكىن. ال بولمەگە بارساڭىز تەك العاشقى جانە سوڭعى ايعا عانا تولەڭىز. ساقتاندىرۋدى ەشقاشان بەرمەگەن دۇرىس».

قورىتىندىسىندا جاس جىگىت تاعى ءبىر كەڭەس بەرگەن. ونىڭ ايتۋىنشا، كىم دە كىم ا ق ش- قا بارار بولسا، مىندەتتى تۇردە بارلىق ءتىسىن ەمدەتىپ، دارىگەرگە كورىنىپ العانى دۇرىس ەكەن. «وندا ساقتاندىرۋسىز ەمدەلۋ وتە قىمبات»، - دەيدى اۆتور.

وسىعان دەيىن بۇل جىگىتتىڭ وتانداستارىنا شەتەلگە كەتۋ كەرەك دەپ بەرگەن كەڭەسى قازاق قوعامىندا ۇلكەن شۋ مەن تۇسىنبەستىك تۋدىرعان ەدى. كەيىنىرەك ول «ا ق ش- تا جۇرسەم دە ەشقاشان وتانىمدى ۇمىتقان ەمەسپىن» دەپ پىكىر ءبىلدىردى.