التى بىردەي ادامدى الداپ كەتپەكشى بولعان الاياق اباقتىعا قامالدى

ورال. قازاقپارات - وزدەرىنىڭ جەر جانە تۇرعىن ءۇي ماسەلەلەرىن شەشۋگە تىرىسقان اقساي قالاسىنىڭ التى بىردەي تۇرعىنى الاياقتىڭ قۇرىعىنا ىلىگىپ، وعان قولما-قول اقشا بەرگەن.

جابىرلەنۋشىلەر الاياقپەن ءبورلى اۋداندىق سوتىندا كەزدەستى.

ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، ريەلتورلىق كومپانيادا تەحنيكالىق ديرەكتور قىزمەتىن اتقارعان سوتتالۋشى اتالعان قالا تۇرعىندارىنىڭ سەنىمىنە كىرىپ، ولاردى جەر تەلىمىن الۋ، جىلجىمايتىن مۇلىكتى ساتۋ، جىلجىمايتىن مۇلىك يپوتەكاسىن راسىمدەۋگە كومەكتەسۋگە مۇمكىندىك بارىنا سەندىرىپ، سونىمەن بىرگە ءوزىنىڭ ماسەلەلەرىن شەشۋ ءۇشىن جابىرلەنۋشىلەردەن قارىزعا اقشا العان. ونىڭ بۇدان بۇرىن دا الاياقتىعى ءۇشىن 2 جىلعا باس بوستاندىعى شەكتەلگەن. بۇل جولى جازا قاتاڭداۋ بولىپ شىقتى.

ءبورلى اۋداندىق سوتىنىڭ ۇكىمىمەن سوتتالۋشى ق ر ق ك 190-بابى 3-بولىگىنىڭ 1-تارماقشاسىنا سايكەس ءىرى مولشەردە الاياقتىق جاساعانى ءۇشىن كىنالى دەپ تانىلىپ، مۇلكىن تاركىلەۋمەن بىرگە 3 جىل 6 ايعا باس بوستاندىعىنان ايىرىلدى. سوتتالۋشى ءۇش جابىرلەنۋشىمەن تاتۋلاسۋ تۋرالى كەلىسىم جاساستى.

اۆتور: ەلجان ەرالى