م. تايجان يگەرىلمەي جاتقان جەرلەردى ءالى شەتتە جۇرگەن قانداستارىمىزعا ساقتاپ قويۋدى ۇسىندى

 استانا. قازاقپارات بۇگىن استانادا جەر رەفورماسى جونىندەگى كوميسسيانىڭ وتىرىسىندا ەكونوميست، قوعام قايراتكەرى، كوميسسيا مۇشەسى مۇحتار تايجان يگەرىلمەي جاتقان جەرلەردى ءالى قازاقستانعا ورالا الماي جۇرگەن قانداستارىمىزعا ساقتاپ قويۋ تۋرالى ۇسىنىس ايتتى.

«بۇگىنگى كۇن تارتىبىندەگى ماسەلەلەر بويىنشا شەشىم قابىلداۋعا ابدەن دايىنبىز» ، - دەگەن ويىن ايتتى م. تايجان. ايتا كەتەيىك، بۇگىنگى وتىرىستا شەكاراداعى جەر ماسەلەسى، جەردى ءوز ازاماتتارىمىزعا جالعا بەرۋ ماسەلەسى جانە جايىلىم ماسەلەسى قارالدى.

 «ءبىراق ءارى قاراي ءبىز دەموگرافيانى ۇمىتپايىق. ءبىزدىڭ سولتۇستىكتە ادام از. 10-15 -جىلدان كەيىن مۇلدەم ازايىپ قالادى. سوندىقتان، جەر ماسەلەسىن تالقىلاعان كەزدە وسىنى ۇمىتپايىق. كەيبىر ارىپتەستەرىمىز ءبىزدىڭ يگەرمەي وتىرعان جەرلەرىمىز كوپ دەپ ءجۇر. مىنانى ۇمىتپايىقشى. شەتەلدە 5 ميلليون قازاق وتىر. بۇگىن بە، ەرتەڭ بە سول قازاقتار ەلگە ورالادى. وسىنى ۇمىتپايىق. يگەرىلمەي قالعان جەرلەردى سول قانداستارىمىز ءۇشىن ساقتاپ قويايىق» ، - دەدى م. تايجان.

 

اۆتور: كەنجەكەي توقتامۇرات قىزى