قازاقستان ازاماتتارىنا شەكارا ماڭى جەرلەرىن يگەرۋگە شەكتەۋ قويۋعا بولمايدى - ق. ايتاحانوۆ
«كۇن تارتىبىندە بىلاي جازىلىپتى: «قازاقستان رەسپۋبليكاسى شەكاراسى ماڭىنان بەرىلەتىن اۋىل شارۋاشىلىعى جەرلەرىن بەرۋگە شەكتەۋ تۋرالى» . كىمگە بەرۋگە شەكتەۋ تۋرالى؟ شەتەلدىكتەرگە مە، جوق قازاقستاندىقتارعا ما؟ مىنا جەردە قازاقستاندىقتارعا دەپ جازىلىپتى. ال ەگەر قازاقستاندىقتارعا بولسا، وندا وعان شەكتەۋ قويۋعا مۇلدەم بولمايدى. كەرىسىنشە، قازاقستاندىقتار شەكارالىق جەرلەردى بارىپ يگەرسىن. كوبىرەك يگەرسىن. نەگە ءبىز قازاقستاندىقتارعا شەكتەۋ قويامىز؟ ەگەر قازاقستان ازاماتتارى شەكارا ماڭىنان جەر الىپ، شارۋاشىلىعىن جاقسىلاپ جۇرگىزسە، ول شەكارا نىعايا بەرەدى. سول سەبەپتەن بۇل شەكتەۋدى قازاقستاندىقتار ءۇشىن مۇلدەم الىپ تاستاۋىمىز قاجەت» ، - دەدى دەپۋتات.
سونىمەن قاتار ول شەكارامىزدىڭ مىڭداعان شاقىرىم جەرىندە ەشكىم تۇرمايتىندىعىن، يەن قالعاندىعىن اتاپ ءوتتى.
«سول شەكارانى بارىپ يگەرۋىمىز كەرەك. سول شەكارادا ەلدى مەكەندەر قۇرۋىمىز قاجەت. سول جەردەگى جەردى يگەرۋگە ءتيىسپىز. ياعني، بۇل ماسەلە بۇگىنگى وتىرىستىڭ كۇن تارتىبىنە دۇرىس قويىلماعان. ال شەتەلدىككە جالعا بەرۋ ماسەلەسى بۇگىنگى كۇن تارتىپتە جوق. ول تۋرالى بۇگىن اڭگىمە بولمايدى» ، - دەدى ق. ايتاحانوۆ.
اۆتور: مارلان جيەمباي
