ەۋروستات: ە و- دا تاريحتا العاش رەت تۇرعىنداردىڭ تابيعي ءوسىمىنىڭ ازايۋى تىركەلدى

بريۋسسەل. قازاقپارات - ەۋرووداقتا تاريحتا العاش رەت تۇرعىنداردىڭ تابيعي ءوسىمىنىڭ ازايۋى تىركەلدى.

بۇل تۋرالى جۇما كۇنى تاراتىلعان «ەۋروستات» ە و ستاتيستيكالىق كەڭەسى تاراتقان حابارلامادا جازىلدى.

2015-جىلى ە و- دا شامامەن 5,1 ميلليون ءسابي دۇنيەگە كەلگەنى، 5,2 ميلليوننان استام ادام كوز جۇمعانى اتالىپ ءوتىلدى.

«بۇل ە و تاريحىندا العاش رەت تۇرعىنداردىڭ تابيعي ءوسىمىنىڭ ازايعانى، ياعني ەلدە دۇنيەگە كەلەتىندەردىڭ سانى دۇنيەدەن وزاتىندارعا قاراعاندا تومەن دەگەندى بىلدىرەدى»، - دەپ حابارلادى «ەۋروستاتتا».

وعان قاراماستان، وتكەن جىلى ەۋرووداق تۇرعىندارىنىڭ سانى شامامەن 2 ميلليون ادامعا ارتتى، نەگىزىنەن، ميگراتسيا (كوشى-قون) ەسەبىنەن.

«2016-جىلى 1- قاڭتاردا ەۋرووداق تۇرعىندارىنىڭ سانى 510,1 ميلليون ادام بولدى، ءبىر جىل بۇرىن 508,3 ميلليون بولعان»، - دەلىنگەن زەرتتەۋدە.

ەۋرووداقتاعى حالقى كوپ ەلدەر گەرمانيا (82,2 ميلليون تۇرعىن)، فرانسيا (66,7 ميلليون)، ۇلى بريتانيا (65,3 ميلليون) جانە يتاليا (60,7 ميلليون). بۇل ەلدەردە ە و تۇرعىندارىنىڭ جارتىسى تۇرادى.

«2015-جىلى ە و- عا مۇشە 17 ەلدە تۇرعىندار سانى ارتسا، 11 ندە تومەندەدى»، - دەپ اتاپ ءوتتى «ەۋروستاتتا».