سەمەيدە اسكەري قىزمەتكەر جالعان ديپلومدى قولدانعانى ءۇشىن سوتتالدى

استانا. قازاقپارات - سەمەي گارنيزونى اسكەري سوتىمەن 2033 اسكەري ءبولىمىنىڭ س. اتتى اسكەري قىزمەتكەرى قازاقستان رەسپۋبليكاسىنىڭ قىلمىستىق كودەكسىنىڭ 385-بابى 3-بولىمىندە كورسەتىلگەن قىلمىستىق تەرىس قىلىق جاساعانى ءۇشىن سوتتالىپ، وعان جازا رەتىندە 25 ايلىق ەسەپتىك كورسەتىش مولشەرىندە ايىپپۇل سالىندى.

اسكەري قىزمەتكەر س. اسكەري قىزمەت بويىنشا جوعارىلاپ، باسقا جوعارى تۇرعان ساتىداعى قىزمەتكە ورنالاسۋ ءۇشىن جوعارى وقۋ ورنىن تامامداعانى تۋرالى ديپلومنىڭ قاجەتتىگىن ەسكەرىپ، انىقتاۋ ورگاندارىمەن انىقتالماعان تۇلعادان جوعارى وقۋ ورنىن وقىپ بىتىرگەنى جونىندە جالعان ديپلومدى العان. ارتىنشا ج. جالعان ديپلومدى قولدانا وتىرىپ، اتتەستاتسيالاۋ كوميسسياسىنىڭ وتىرىسىمەن بوس ورىنعا بەكىتىلگەن.

ۇكىم زاڭدى كۇشىنە ەنگەن جوق، دەپ حابارلايدى ق ر اسكەري سوتىنىڭ باسپا ءسوز قىزمەتى.