دارحان قىدىرالى «ەگەمەن قازاقستان» گازەتىنىڭ جاڭا باسقارما ءتوراعاسى قىزمەتىنە تاعايىندالدى

استانا. قازاقپارات - «ەگەمەن قازاقستان» گازەتىنىڭ باسشىلىعىنا بەلگىلى عالىم، پۋبليتسيست، تاريح عىلىمدارىنىڭ دوكتورى دارحان قىدىرالى تاعايىندالدى.

بۇل تۋرالى ق ر اقپارات جانە كوممۋنيكاتسيالار ءمينيسترى داۋرەن ابايەۆ فەيسبۋكتەگى پاراقشاسىندا جازدى.

«ەگەمەن قازاقستان» گازەتىنىڭ ۇجىمىنا جاڭا باسقارما ءتوراعاسىن تانىستىردىم. باس گازەتتىڭ باسشىلىعىنا بەلگىلى عالىم، پۋبليتسيست، تاريح عىلىمدارىنىڭ دوكتورى دارحان قىدىرالى تاعايىندالدى. بۇگىنگى كۇنگە دەيىن ونىڭ حالىقارالىق تۇركى اكادەمياسىن باسقارىپ كەلگەنىن بىلەسىزدەر. بۇرىنعى باسشى ەركىن قىدىرعا گازەتتىڭ جانە جالپى وتاندىق باسپا ءسوزدىڭ دامۋىنا قوسقان ۇلەسى ءۇشىن العىس بىلدىرەمىن. د. قىدىرالى عاسىرلىق تاريحى بار «ەگەمەننىڭ» ەلدىگىمىزدى نىعايتۋ جولىنداعى ىستەرىن ودان ءارى جالعاستىرىپ، گازەتتى جاڭا دەڭگەيگە كوتەرەدى دەپ سەنەمىن»، - دەپ جازدى مينيستر.

اۆتور: مارلان جيەمباي