14:42, 08 - شىلدە 2016 | GMT +5
تاعى ءبىر قازاق كاسىپقوي بوكسشىسى قارسىلاسىن نوكاۋندپەن ۇتتى
استانا. قازاقپارات - بۇگىن تاعى ءبىر وتانداسىمىز ابىلايحان قۇسايىنوۆ كاسىپقوي بوكستاعى كەزەكتى جەڭىسىنە قول جەتكىزدى.
ول كانادانىڭ كۆەبەك قالاسىندا وتكەن ايقاستا جەرگىلىكتى بوكسشى رودسي ۆينسەنتپەن جۇدىرىقتاسىپ، قارسىلاسىن ءۇشىنشى راۋندتا نوكاۋندقا ءتۇسىردى.
بيىل 25 جاسقا تولىپ وتىرعان جەرلەسىمىزدىڭ بۇل كاسىبي رينگتەگى ەكىنشى جەكپە-جەگى جانە ەكىنشى جەڭىسى. ول بۇعان دەيىن قىتايلىق حە جاندى نوكاۋتپەن ۇتقان بولاتىن.
ەستەرىڭىزگە سالا كەتەيىك، وسىدان شامالى ۋاقىت بۇرىن تاعى ءبىر وتانداسىمىز باتىر جۇكەمبايەۆ تا وسى بوكس كەشىندە مەكسيكالىق رەندي لوسانعا قارسى رينگكە شىعىپ قارسىلاسىن ۋاقىتىنان بۇرىن جەڭگەنى تۋرالى جازعان بولاتىنبىز.
اۆتور: كۇنسۇلتان وتارباي
