ەرتىس وزەنى ارقىلى وتەتىن ورتا ازياداعى ەڭ ءىرى كوپىردىڭ ارقالىعى ورناتىلدى - كەسكىن
«قازاۆتوجول» ۇ ك» ا ق- نىڭ باسپا ءسوز قىزمەتى ءمالىم ەتكەندەي، ەستاكادالىق ءبولىمدى كوپىر وتكەلىنىڭ نەگىزگى قۇرىلىمىمەن قوسقان. وسىلايشا، كوپىر وتكەلىنىڭ نەگىزگى جۇمىسى مارەگە جەتتى. جارىقتاندىرۋ مەن جول بەلگىلەرىن قۇرۋ عانا قالدى. - جۋىردا ۇزىندىعى 476 مەتر ەرتىس وزەنى ارقىلى وتەتىن نەگىزگى كوپىردىڭ ورتالىق ارقاسىن ورناۋ جۇمىستارى اياقتالعان بولاتىن. العاش رەت 2015 -جىلى ءساۋىر ايىندا ساپاسى جوعارى تاڭبالىق قۇرىلىم ءونىمى ىسكە قوسىلدى. وعان 40 تان استام ادام جۇمىلدىرىلدى. كوپىر وتكەلىندە ۇزىندىعى 18 مەتر 78 ارقالىق، 24 مەترلىك 54 ارقالىق، 33 مەترلىك 880 جانە 42 مەترلىك 452 ارقالىق قۇرىلعان، - دەدى ديلارا زارلىقوۆا.
ايتا كەتەرلىگى، كوپىر جاڭا تەحنولوگيالارعا سايكەس ۆانت ءتارىزدى يىلگىش كولبەۋ اسپالاردى قولدانۋمەن جاسالىنۋدا. جوبانىڭ جالپى قۇنى 53,9 ميلليارد تەڭگەنى قۇرايدى. ناتيجەسىندە كوپىر رەسپۋبليكالىق "ورتالىق- شىعىس" ءتورت جولاقتى اۆتوباننىڭ ءبىر بولىگىنە اينالادى جانە قازاقستاننىڭ ورتالىق بولىگىن رەسەي ەلىنىڭ كورشىلەس جاتقان وڭىرلەرىمەن بايلانىستىرادى. سونىمەن قاتار، جاڭا كوپىردىڭ اشىلۋى اقسۋ مەن پاۆلودار اراسىنداعى جولدى 15 كيلومەترگە قىسقارتسا، ەلىمىزدىڭ شىعىس وڭىرلەرىنەن ورتالىق ايماققا قاتىنايتىن ترانزيتتىك كولىكتەر قالا ىشىنە كىرمەيدى. وسىلايشا، جولدى 40 كيلومەترگە قىسقارتۋ مۇمكىندىگى تۋادى. جوبانىڭ قۇرىلىسىنا 13500 مەتالل قۇراستىرىلىم، 150000 تەكشە مەتر بەتون جۇمسالدى.
كوپىر وتكەلىن سالۋ بارىسىنا 900 عا جۋىق ادام جۇمىلدىرىلعان، ولاردىڭ 743 ى وبلىس تۇرعىندارى. جوبانى جۇزەگە اسىرۋدىڭ ارقاسىندا وبلىستىق بيۋدجەتكە 164 ميلليون تەڭگە كولەمىندە سالىق ءتۇستى، ال رەسپۋبليكالىق بيۋدجەت 1,9 ميلليارد تەڭگەمەن تولىقتى. جەرگىلىكتى بيزنەس وكىلدەرىنەن 2,9 ميلليارد تەڭگەگە تاۋار مەن قىزمەت ءتۇرى ساتىپ الىندى.
جوسپارعا سايكەس كوپىر وتكەلى وسى جىلدىڭ جەلتوقسان ايىندا تاپسىرىلۋى كەرەك.
