ن. نازاربايەۆتىڭ يسپان تىلىندەگى كىتاپتارى مەكسيكانىڭ ءىرى مەملەكەتتىك ۋنيۆەرسيتەتىنە سىيعا تارتىلدى

استانا. قازاقپارات - مەكسيكاداعى ق ر ەلشىسى اندريان ەلەمەسوۆ جاڭا لەون شتاتى مونتەررەي قالاسىنا بارىپ، جەرگىلىكتى بيلىك وكىلدەرىمەن كەزدەسۋلەر وتكىزىپ، وندىرىستىك كومپانيالارىن ارالاپ، مەكسيكاداعى ءىرى مەملەكەتتىك ۋنيۆەرسيتەت - جاڭا لەوننىڭ اۆتونوميالىق ۋنيۆەرسيتەتىندە بولدى، دەپ حابارلادى ق ر س ءى م باسپا ءسوز قىزمەتىنەن.

ەلشى ا. ەلەمەسوۆ جاڭا لەون شتاتىنىڭ گۋبەرناتورى حايمە رودريگەسپەن، مونتەررەي قالاسىنىڭ مەرى ادريان دە لا گارسويمەن، سانتا ق. مەرى كاتارينا ەكتور كاريليومەن كەزدەسىپ، «قازاقستان: ەكونوميكالىق جانە ساۋدا پەرسپەكتيۆالارى مەن مۇمكىندىكتەرى» بيزنەس-فورۋمىنا قاتىستى، سونىمەن قاتار جاڭا لەون ۋنيۆەرسيتەتىنىڭ جانە اۆياتسيا مەن ماشينا جاساۋ سالاسىنداعى مامانداردى دايىندايتىن CONALEP ورتا تەحنيكالىق ءبىلىم بەرۋ كوللەدجىنىڭ باسشىلارىمەن كەزدەستى.

ق ر س ءى م باسپا ءسوز قىزمەتىنەن حابارلاعانداي، ەكى ەل اراسىنداعى ساۋدا-ەكونوميكالىق ىنتىماقتاستىقتىڭ كۇشەيۋى اياسىندا ا. ەلەمەسوۆ «CEMEX» (سەمەنت ءوندىرۋشى) كومپانياسىنىڭ باسشىلىعىمەن كەزدەستى جانە «TecnoForge» كومپانياسىنىڭ زاۋىتىندا بولدى. ەكى كومپانيا دا قازاقستاندىق كومپانيالارمەن الداعى ۋاقىتتا دا سەرىكتەستىك ورناتۋعا قىزىعۋشىلىق تانىتتى.

جاڭا لەوننىڭ اۆتونوميالىق ۋنيۆەرسيتەتىنىڭ باسشىلىعىمەن كەزدەسۋدە ا. ەلەمەسوۆ قازاقستاننىڭ تاۋەلسىزدىك جىلدارى ەكونوميكالىق، ساياسي جانە الەۋمەتتىك باعىتتاردا، سونىڭ ىشىندە ءبىلىم سالاسىندا قول جەتكىزگەن جەتىستىكتەرى جايلى باياندادى.

جيىن قورىتىندىسى بويىنشا ەكى ەلدىڭ ج و و- لارى اراسىندا ءبىلىم جانە عىلىم سالاسىنداعى ىنتىماقتاستىق نيەتى تۋرالى قۇجاتقا قول قويىلدى. ۋنيۆەرسيتەتتىڭ كىتاپحاناسىنا سىيلىق رەتىندە ق ر پرەزيدەنتى ن. نازاربايەۆتىڭ «قازاقستان جولى»، «جاھاندىق ديالوگ حرونيكاسى»، «الەم كىندىگى» كىتاپتارىنىڭ يسپان تىلىندەگى نۇسقالارى ۇسىنىلدى.