پرەمەر-مينيستر «قورقىت اتا» كەشەنىن ارالادى

وبلىس اكىمى قىرىمبەك كوشەربايەۆ مەموريالدىق كەشەننىڭ قايتادان قالپىنا كەلتىرىلۋى تۋرالى اڭگىمەلەپ بەردى، دەپ حابارلادى ۇكىمەت باسشىسىنىڭ Pm.kz رەسمي سايتى.
1980-جىلى سالىنعان ساۋلەت ونەرى ەسكەرتكىشى IX عاسىرداعى اتى اڭىزعا اينالعان كومپوزيتور، اقىن، فيلوسوف ءارى قوبىز اتاسى قورقىت اتاعا ارنالعان.
1997-جىلى مەموريال العاش رەت رەستاۆراتسيالاندى، مۇندا حالىق اۋەندەرىنەن كونسەرتتەر وتكىزىلەتىن امفيتەاتر پايدا بولدى، ودان كەيىن قورقىت بابامىز ءومىر سۇرگەن ءداۋىردىڭ تاريحى مەن مادەنيەتىنەن سىر شەرتەتىن مۇراجاي اشىلدى.
مەموريالدىق كەشەن «قورقىت» تەمىر جول ايرىعى ماڭىندا، قىزىلوردا وبلىسىنىڭ جوسالى اۋىلىنان 18 شاقىرىم قاشىقتىقتا ورنالاسقان. جىل سايىن بۇل جەرگە قازاقستاننان، الىس جانە جاقىن شەتەلدەردەن مىڭداعان تۋريستەر كەلەدى.
بايقوڭىر عارىش ايلاعى ءتارىزدى، «قورقىت اتا» كەشەنى دە «استانا ەكسپو-2017» كورمەسى كەزىندە شەتەلدىك تۋريستەر ارنايى باراتىن تۋريستىك نىساندار تىزىمىنە ەنگىزىلدى.