اقسۋلىق جاس مۋزىكانتتار گرۋزيادا توپ جاردى - پاۆلودار وبلىسى
وبلىستىق ءبىلىم بەرۋ باسقارماسى ۇسىنعان اقپاراتقا سۇيەنسەك، شاراعا 1000 نان استام جاس مۋزىكانت قاتىسقان. جاس ورەندەردىڭ ونەرىنە الەمنىڭ 12 ەلىنەن كەلگەن كاسىبي قازىلار القاسى باعا بەرگەن.
«گرۋزيا ەلى جاس تالانتتاردى ەرەكشە قوناقجايلىقپەن قارسى العان. بۇل كۇندەرى اۋا رايى دا تاماشا بولىپ، باعدارلاما تبيليسي قالاسىنىڭ كورىكتى ورىندارىنا ساياحات جاساۋدان باستالعان. سونداي-اق جەتكىنشەكتەر كۋتايسي قالاسىن ارالاپ، «پرومەتەي» ۇڭگىرىنە بارعان. باتۋمي قالاسىنداعى الەمگە ايگىلى «جاسىل مىس» اتتى بوتانيكالىق باقتا وقۋشىلار راۋشان جانە اق ماگنوليا گۇلدەرىنىڭ 1200 گە جۋىق تۇرىمەن تانىسىپ كەلدى. جۇلدەگە يە بولعان «تالاپكەر» فولكلورلىق ءانسامبلى 2017-جىلدىڭ ماۋسىم ايىندا ارمەنيا رەسپۋبليكاسى مەن فينليانديا ەلىنىڭ تۋركي قالاسىندا وتەتىن سايىستارعا شاقىرتۋ الدى»، - دەيدى باسقارمانىڭ ب ا ق- پەن جۇمىس جونىندەگى مامانى ايجان قورالاسبايەۆا.
