ەلوردا كۇنى استانادا نەشە بالا دۇنيەگە كەلدى؟

استانا. قازاقپارات - ەلوردادا 6- شىلدەدە 63 بالا دۇنيەگە كەلدى، - دەپ حابارلايدى Tengrinews.kz استانا قالالىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

باسقارما وكىلدەرىنىڭ ايتۋىنشا، استانادا 2016-جىلدىڭ 6- شىلدەسىندە 63 بالا دۇنيەگە كەلدى. ولاردىڭ ىشىندە 27 قىز بەن 36 ۇل.

1№ پەريناتالدىق ورتالىقتا 31 جاڭا تۋعان نارەستە دۇنيەگە كەلدى. ولاردىڭ ىشىندە 16 ۇل مەن 15 قىز، سونداي-اق دۇنيەگە كەلگەندەردىڭ اراسىندا ءبىر ەگىز بالا بار.

ال 2№  پەريناتالدىق ورتالىقتا 19 بالا دۇنيەگە كەلگەن: 6 قىز بەن 13 ۇل.

ءۇشىنشى پەرزەنتحانادا - 3№  پەريناتالدىق ورتالىقتا وتكەن تاۋلىكتە 13 بالا دۇنيەگە كەلگەن: 6 قىز بەن 7 ۇل.

ەسكە سالايىق، 4- شىلدەدە استانا قالالىق 1№  پەريناتالدىق ورتالىقتا استانانىڭ ميلليونىنشى تۇرعىنى دۇنيەگە كەلگەن بولاتىن.