توسەك قاتىناسىندا ءلاززات الا الماۋ قانشالىقتى قاۋىپتى؟
جۇبى ءلاززاتقا بولەنىپ، ال ءوزى توياتتانا الماعان جاعدايدا ايەل ادام ءوزىن بار بولعانى «سەكس قۇرالى» رەتىندە سەزىنەدى. بۇل ءوز كەزەگىندە ونىڭ پسيحيكاسىنا دا مول زاردابىن تيگىزەدى. كوڭىلىنە قاياۋ ءتۇسىپ، وكپە- رەنىش تە تۋىنداپ جاتادى. ويداعىداي بولماعان ايمالاسۋدان كەيىن كەلەسى جولى دا ايەلدەر ونىڭ قايتالانۋ قاۋپىنەن ۇرەيلەنىپ، سول ويمەن- اق ءتاتتى سەزىمنىڭ ءدامىن سەزە الماي قالادى.
ال بۇل جاعداي بىرنەشە رەت ورىن الاتىن بولسا، ايەلدىڭ سەكسكە كوڭىل قۇشتارى كەمىپ، مۇلدە باس تارتۋى دا مۇمكىن. سونىڭ سالدارىنان ايەل كۇيزەلىسكە ءتۇسىپ، ۋاقىت وتكەن سايىن اشۋلانشاق بولىپ كەتەدى. سەكسپەن اينالىسۋ، ءلاززاتقا بولەنۋ باقىت پەن قۋانىش گورموندارىن وياتىپ، كوڭىل- كۇيدى كوتەرەتىنىن، يممۋنيتەتتى ارتتىرىپ، دەنساۋلىققا وڭ اسەرىن تيگىزەتىنىن ەسكەرسەك، مۇنىڭ قالىپتى جاعداي ەكەنىنە كوز جەتكىزەمىز. ەرىنىڭ قۇشاعىنا ەنىپ، قۇشتارلىعىن بولىسە الماعان ايەلدىڭ كوڭىل- كۇيى عانا ەمەس، ۇيقىسى دا بۇزىلىپ، دەنساۋلىعىنا كوپ قاۋىپ تونەدى.
قۇمارىن قاندىرىپ، ءلاززاتقا بولەي الماعان جىنىستىق قاتىناستان ايەل كەحرەر سيندرومى دەگەن اۋرۋعا شالدىعادى. بۇل - ەموتسيونالدى كۇيزەلىستەن، ياعني ءلاززاتقا بولەنە الماۋدان بولاتىن پسيحوسوماتيكالىق اۋىتقۋشىلىق. جاتىردان بولىنەتىن اق سۇيىقتىق، قىناپتىڭ قۇرعاپ تۇرۋى، دارەتتىڭ بۇزىلۋى، ەتەككىر كەزىندە اۋىرۋ سەزىمىنىڭ جوعارى بولۋى، ەتەككىر كەزەڭىنىڭ وزگەرۋى كەحرەر سيندرومىنان حابار بەرەدى.
توياتتانا الماۋدان بولاتىن تاعى ءبىر اۋرۋ - گيپوگوناديزم. بۇل جىنىستىق قاتىناستىڭ بولماۋىنان (نەمەسە ويداعىداي بولماۋىنان) ورىن الاتىن اعزانىڭ «جەتىم» كۇيى، ياعني مۇندايدا جىنىستىق ورگاندار دۇرىس جەتىلمەيدى. ال بۇل جاعدايدا دەرەۋ دارىگەردىڭ كومەگىنە جۇگىنۋ كەرەك.
جالپى، ايەلدەردىڭ ەموتسياسىن سىرتقا شىعارماي، ۇزاق ۋاقىت ىشتە ۇستاۋى قاۋىپتى. ول پسيحيكاعا عانا ەمەس، دەنساۋلىققا دا اسەرىن تيگىزىپ، كۇندەردىڭ ءبىر كۇنى مىندەتتى تۇردە سىر بەرەدى. سوندىقتان، مەيلى، اشۋ مەن ىزا بولسىن، جولىن تاۋىپ، سىرتقا شىعارىپ الۋ كەرەك.
ەگەر جوعارىدا ايتقان ماسەلەمەن بەتپە- بەت كەلگەن جانداردىڭ ءبىرى بولساڭىز، وندا ۋاقىت سوزباي، كۇيەۋىڭىزبەن اشىق سويلەسىڭىز. ەركەكتەردىڭ ءبارى بىردەي بايقامپاز ەمەس. سوندىقتان ەكىنشى جارتىڭىز ءسىزدىڭ ءلاززات الا الماي جۇرگەنىڭىزدى سەزبەۋى دە مۇمكىن. مۇندايدا اشىق سويلەسىپ، ءبارىن تۇسىندىرۋدە تۇرعان ەشتەڭە جوق.
شىدامنىڭ دا شەگى بار ەمەس پە؟ ءبىر- بىرىڭىزدەن مۇلدە تەرىس اينالىپ كەتپەي تۇرىپ، ماسەلەنىڭ باسىن اشىپ الۋ كەرەك. قاجەت بولسا، ءسىزدى ءلاززاتقا بولەيتىن نە، ەرىڭىزدىڭ نە ىستەگەنىن، قالاي سيپاپ- سىلاعانىن قالايسىز؟ مۇنىڭ ءبارىن اشىق ايتىپ، كەرەك بولسا، كورسەتىپ تە بەرىڭىز. ەكەۋارا قاتىناستان ەكەۋىڭىزدىڭ دە ءلاززات الىپ، ۇيلەسىمدىلىك تابۋلارىڭىز كەرەكتىگىن ۇمىتپاڭىز. بۇل ءسىز ءۇشىن، دەنساۋلىعىڭىز ءۇشىن، وتباسىلارىڭىز ءۇشىن قاجەت.
Stan.kz
