ق ر پرەمەر-ءمينيسترى قىزىلوردا وبلىسىنىڭ الەۋمەتتىك-ەكونوميكالىق جاعدايىن باعالاپ قايتادى
ۇكىمەت باسشىسى بۇگىن قىزىلوردا وبلىسىنا كەلدى. ءوزىنىڭ تۋيتتەردەگى اككاۋنتىندا: «كرايني» اۋەجايىنا كەلدىم. بۇگىن زىمىران ءساتتى ۇشىرىلدى» دەپ جازدى.
پرەمەر-ءمينيستردىڭ جۇمىس ساپارى «كرايني» اۋەجايىن كورۋدەن باستالدى. بۇگىن مۇندا «بايقوڭىر» عارىش ايلاعىنداعى «گاگارين تۇعىرىنان» «سويۋز م س» جاڭا سەرياسىنىڭ العاشقى «سويۋز-ف گ» زىمىران-تاسىمالداۋشىسى ءساتتى ۇشىرىلدى.
«سويۋز م س» باسقارىلاتىن كەمە بورتىندا م ك س-48/49 ۇزاق ەكسپەديتسياسىنىڭ مۇشەلەرى عارىشكەر اناتولي يۆانيشين، استروناۆت دجاكسا تاكۋيا ونيشي جانە ناسا عارىشكەرى كەتلين رۋبينس بار. كەمەنىڭ عارىش ستانساسىمەن ءتۇيىسۋى 2016 -جىلدىڭ 9- شىلدەسىنە جوسپارلانعان.
ايتا كەتەيىك، پرەمەر-ءمينيستردىڭ جۇمىس ساپارى باعدارلاماسىندا بايقوڭىر قالاسىنا جانە قىزىلوردا وبلىسىنىڭ ەلدى مەكەندەرىنە بارۋ جوسپارلانعان. مۇندا پرەمەر-مينيستر قالانىڭ جانە قالا اينالاسىنداعى ەلدى مەكەندەر دامۋىنىڭ باس جوسپارىمەن تانىسادى جانە ورتا مەكتەپ، بالالاردى وقىتۋ-ساۋىقتىرۋ ورتالىعىنا بارادى، جاقسى قىلىش اۋىلىنىڭ تۇرعىندارىمەن جۇزدەسەدى.
سونىمەن بىرگە، كارىم ءماسىموۆ سۋارمالى جەر، سۋ شارۋاشىلىعى ينفراقۇرىلىمىن قالپىنا كەلتىرۋ تۋرالى رەسپۋبليكالىق كەڭەس وتكىزەدى دەپ جوسپارلانۋدا جانە ارال پروبلەماسى، وڭىردەگى اگرو-وندىرىستىك كەشەن، شاعىن جانە ورتا بيزنەس ماسەلەلەرى دە تالقىلاناتىن بولادى.
