ت. كۋزينا: قازاقستاننىڭ ب ۇ ۇ قاۋىپسىزدىك كەڭەسىنە سايلانۋى - مەملەكەت ەڭبەگىنىڭ الەمدىك ارەنادا مويىندالۋى

پاۆلودار. قازاقپارات - «ەلىمىزدىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋى الەمدىك ارەنادا مەملەكەت قىزمەتىنىڭ جوعارى باعالانۋى جانە پرەزيدەنتىمىز نۇرسۇلتان ءابىش ۇلى نازاربايەۆتىڭ ەرەن ەڭبەگى».

«سلاۆيان مادەني ورتالىعى» باسقارماسىنىڭ ءتورايىمى، رەسەيلىك وتانداستار كەڭەسىنىڭ مۇشەسى تاتيانا كۋزينا «قازاقپارات» ح ا ا تىلشىسىنە وسىنداي پىكىرىن ءبىلدىردى.

«قازاقستاندا ءومىر ءسۇرىپ، ونىڭ قالىپتاسۋىن باقىلاپ، الەم الدىندا ەلباسىنىڭ ابىرويى اسقاقتاپ كەلە جاتقانىن بايقاماۋ مۇمكىن ەمەس. ءبىزدىڭ ەتنو-مادەني ورتالىق ق ر پرەزيدەنتى ن. نازاربايەۆتىڭ باستاماسىمەن قۇرىلعان قازاقستان حالقى اسسامبلەياسىنىڭ قۇرامىندا. بۇل ناعىز ۇتقىر شەشىم بولدى - اسسامبلەيا قۇرۋ ارقىلى ول ءاربىر ادامعا «ءبارىمىز تەڭبىز، ءبارىمىز بىرگە ءومىر ءسۇرىپ وتىرعان جەر ءۇشىن ءوز ۇلتىمىزدىڭ تەك جاقسى جاعىن كورسەتەيىك» دەپ ايتقانداي بولدى».

كوپتەگەن ۇلت وكىلدەرىنىڭ وتانى - قازاقستان، ءتىپتى 5-8 اتالارى وسىندا ءومىر سۇرگەندەر بار، سوندىقتان حالىقتار دوستىعى قازاقستاننىڭ ناعىز كۇشىنە اينالدى.

قازاقستان ءوز اۋماعىندا ۇلتارالىق جانە كونفەسسياارالىق بەيبىتشىلىكتى ساقتاپ، الەم الدىندا مورالدىق بەدەلگە يە بولدى. ن. نازاربايەۆتىڭ «الەم. ХХІ عاسىر» مانيفەسى» تۋرالى جاقسى پىكىرلەر ايتىلۋدا.

ت. كۋزينانىڭ سوزدەرىنە سۇيەنسەك، قازاقستانداي بەيبىت سۇيگىش ەلدىڭ ب ۇ ۇ ق ك جۇمىستارىنا قاتىسۋى مەملەكەتارالىق قارىم-قاتىناستاردىڭ جاقسارۋىنا، مەملەكەتتەر اراسىنداعى جانجالدى قارۋ قولدانباي ديپلوماتيالىق جولمەن شەشۋگە ىقپال ەتەتىن بولادى.