قازاقستاننىڭ بوي كوتەرگەن استاناسىنا تاڭدانامىن - ميحايل گۋسمان
ت ا س س اگەنتتىگىنىڭ باس رەداكتورى ميحايل گۋسمان وسىنداي پىكىرىمەن ءبولىستى، دەپ حابارلايدى «قازاقپارات» ح ا ا- نىڭ ماسكەۋدەگى ءتىلشىسى.
«بۇل، راسىمەن، تاماشا مەرەكە (استانا كۇنى - رەد. ). مەن استانادا كوپ رەت بولدىم جانە جاڭادان بوي كوتەرگەن استاناعا تاڭدانا قارايمىن»، دەيدى م. گۋسمان.
ميحايل گۋسمان استانا كوپ جاعدايدا حالىقارالىق شارالاردىڭ، الەمدىك دەڭگەيدەگى وقيعالاردىڭ ءوتۋ الاڭى بولاتىنىن اتاپ ءوتتى.
سونداي-اق، ول استانا مەملەكەت باسشىسى نۇرسۇلتان نازاربايەۆتىڭ كۇش- جىگەرى جانە شەشىمتالدىعىنىڭ ارقاسىندا دۇنيەگە كەلگەنىن اتاپ ءوتتى: «استانا كۇنى مەن قازاقستان پرەزيدەنتىنىڭ تۋعان كۇنى ءبىر كۇندە بولۋى، مەنىڭ ويىمشا، سيمۆولداردىڭ قابىسۋى - ۇلى سيمۆوليكا. سەبەبى استانا مەملەكەت باسشىسى نۇرسۇلتان نازاربايەۆتىڭ كۇش- جىگەرى جانە شەشىمتالدىعىنىڭ ارقاسىندا دۇنيەگە كەلگەن».
«بارشا قازاقستاندىقتاردى وسىناۋ تاماشا مەرەكەمەن قۇتتىقتايمىن. بۇگىنگى زاماننىڭ ءبىرتۋار قايراتكەرى نۇرسۇلتان نازاربايەۆتى دا قۇتتىقتاۋعا رۇقسات ەتىڭىزدەر!» - دەپ ءتۇيدى ءسوزىن ول.
