08:04, 07 - شىلدە 2016 | GMT +5
وسكەمەندە ەرتىس وزەنىنىڭ جاعاسىندا تۇرىپ سەلفي جاساماق بولعان جاسوسپىرىم سۋعا كەتتى
استانا. قازاقپارات - وسكەمەندە ەرتىس وزەنىنىڭ جاعاسىندا تۇرىپ سەلفي جاساماق بولعان جاسوسپىرىم سۋعا باتىپ كەتتى.
وقىس وقيعا 5 -شىلدە كۇنى كەشكە بولعان.
17 جاستاعى بوزبالا وزەن جاعالاۋىنداعى قورشاۋعا شىعىپ الىپ، سەلفي جاساماق بولعان. كەنەت ول قۇلاپ كەتىپ، سۋعا كەتكەن، دەپ جازادى YK-news.kz.
شىعىس وڭىرلىك اەروموبيلدىك جەدەل قۇتقارۋ جاساعىنىڭ وكىلدەرى ازىرشە تەك سۋ بەتىندە ىزدەۋ جۇمىستارىن جۇرگىزە الاتىندىعىن جەتكىزگەن. مۇنداي اعىس قاتتى كەزدە سۇڭگۋگە تىيىم سالىنعان.
