ەلوردا كۇنىنە وراي ءۇش مەترلىك تورت ازىرلەندى

استانا. قازاقپارات - بۇگىن استانا كۇنىنە وراي تانىمال كونديتەر رەنات اگزاموۆ ازىرلەگەن مەرەكەلىك تورت كوپشىلىككە ۇسىنىلدى.

مەملەكەتتىك تۋدىڭ تۇسىندەي كوگىلدىر بيىكتىگى ءۇش مەترلىك تورتتىڭ ۇستىنە قىران مەن كۇن قويىلعان.

شاراعا 3 -شىلدەدە وتكەن كونديتەرلەر سەمينارىنا قاتىسقان اسپازشىلار مەن قالا تۇرعىندارى جانە قوناقتار قاتىستى.

- استانا تۇرعىندارىن قالانىڭ 18 جىلدىعىمەن قۇتتىقتايمىن. وسىنداي قىسقا ۋاقىتتىڭ ىشىندە حالىقارالىق دەڭگەيدەگى قالا بوي كوتەردى. استانا قالاسىنىڭ باسشىلىعى مەن تۇرعىندارىنا راحمەت، بارشاعا جاقسىلىق پەن يگىلىك تىلەيمىن، - دەدى رەنات اگزاموۆ.

شارا سوڭىندا تورتتىڭ ءبىر بولىگى استانا قالاسىنىڭ بالالار ۇيلەرى مەن كوررەكسيالىق مەكتەپتەرىنە جەتكىزىلدى. سونىمەن قاتار، جينالعان قاۋىم شاعىن كونسەرتتىك باعدارلاما تاماشالاپ، ءتۇرلى كونكۋرستارعا قاتىستى، دەپ حابارلادى astana.kz.