قازاقستاندىق ازىق- تۇلىك امەريكا نارىعىنا شىعارىلماق

استانا. قازاقپارات - وتاندىق كاسىپكەرلەر امەريكاندىق ارىپتەستەرىمەن ىنتىماقتاستىق جايىن تالقىلادى.

«اتامەكەن» ق ر كاسىپكەرلەرىنىڭ ۇلتتىق پالاتاسىنىڭ باستاماسىمەن، قازاقستاندىق تاۋار وندىرۋشىلەر مەن قازاقستانمەن تاۋار- ەكونوميكالىق ىنتىماقتاستىق جاساۋعا كەلگەن «Roberts Group»  كومپانياسىنىڭ باسشىسى مايكل روبەرتستىڭ كەڭەيتىلگەن وتىرىسى بولدى.

كەڭەيتىلگەن وتىرىسقا دامۋ ينستيتۋتىنىڭ وكىلدەرى، ىشكى ساۋدا پالاتاسىنىڭ وكىلدەرى جانە «بايان سۇلۋ» قوستانايلىق كونديتەر فابريكاسى، «سەسنا- استىق كورپوراتسياسى»، «Arba wine»، «بەككەر جانە ك»، «راحات» ا ق جانە باسقا دا ءىرى وتاندىق ازىق- تۇلىك وندىرۋشىلەر قاتىستى.

«بۇگىن بىزگە امەريكا نارىعىنىڭ «ويىن ەرەجەلەرىمەن» تانىسۋعا، ا ق ش- قا ەكسپورتتاۋ ءۇشىن وتاندىق ونىمدەرىمىزدىڭ قانداي تالاپقا ساي بولۋ كەرەكتىگىن بىلۋگە بىرەگەي مۇمكىندىك تۋىپ وتىر. مايكل روبەرتس ا ق ش قازاقستان رەسپۋبليكاسىنا امەريكاندىق تەحنولوگيالار مەن ينۆەستيتسيالاردى تارتۋ ، قازاقستاندىق ونىمدەردى يمپورتتاۋعا باسا نازار اۋدارا وتىرىپ، قازاقستانمەن ۇزاق مەرزىمدەگى ساۋدا- ەكونوميكالىق قارىم- قاتىناستاردى دامىتۋدى قولدايدى»، - دەدى «اتامەكەن» ق ر ۇ ك پ ش و ب دامۋ دەپارتامەنتىنىڭ ديرەكتورى قايىرجان يبرايەۆ.

سونىمەن بىرگە، قازاقستاندىق ازىق- تۇلىكتى امەريكا نارىعىنا شىعارۋ، اتاپ ايتقاندا، «Walmart» ساۋدا جەلىسىنە «قازاقستاندا جاسالعان» ونىمدەردى ەنگىزۋ ماسەلەلەرى دە تالقىلاندى.

وتىرىس قورىتىندىسى بويىنشا، قوس تاراپ الداعى ۋاقىتتا كەلىسسوزدەر جۇرگىزۋ ءۇشىن بايلانىس نومىرلەرىمەن الماسىپ، ساۋدا جەلىسىنە ەنۋ شارتتارى، ونىمگە قويىلاتىن تالاپتار جايلى كەلىسسوزدەر جۇرگىزۋدى ماقۇلدادى. جانە «Roberts Group» كومپانياسى مەن «اتامەكەن» ق ر ۇ ك پ اراسىندا ىنتىماقتاستىق تۋرالى مەموراندۋم جاساۋعا شەشىم قابىلداندى.