قاراعاندىلىقتار استانا كۇنىن ۆەلوجارىسپەن اتاپ ءوتتى - فوتو
«جاس مەملەكەتتىڭ وزگە ازاماتتارى سياقتى قاراعاندى وبلىسىنىڭ تۇرعىندارى دا ەلوردانى ماقتان تۇتادى.
بۇگىن ءبىز ادەتتەگىدەي استانا كۇنىنىڭ قۇرمەتىنە «ساعان، استانا!» ۆەلوجارىسىن باستاۋ ءۇشىن مەملەكەتتىك سيمۆولدار الاڭىنا جينالدىق. ۆەلوجارىس تاۋەلسىزدىك ستەللاسىندا مارەگە جەتەدى»، - دەدى قاراعاندى وبلىسىنىڭ اكىمى نۇرمۇحامبەت ابدىبەكوۆ مەرەكەلىك شارالاردىڭ اشىلۋ سالتاناتىندا.
ءوڭىر باسشىسى قاراعاندى وبلىسىنىڭ استانانىڭ قۇرىلىسىنا قوسقان ۇلەسىن اتاپ ءوتتى.
«استانا جىل سايىن، اي سايىن، كۇن سايىن وزگەرىپ، وركەندەپ كەلەدى. بۇگىن قازاقستاننىڭ استاناسى - قازىرگى زامانعى ساياسي، ەكونوميكالىق جانە الەۋمەتتىك- مادەني ماسەلەلەر بويىنشا ءتۇرلى كەزدەسۋلەر وتەتىن ەۋرازيالىق كەڭىستىكتىڭ ورتالىعى»، - دەپ اتاپ ءوتتى ن. ابدىبەكوۆ.
الاڭدا استانا ءانۇرانى ورىندالدى. جيىلعانداردى ق ر پارلامەنتى سەناتىنىڭ دەپۋتاتى سەرگەي ەرشوۆ، استانا قۇرداسى - نازاربايەۆ ۋنيۆەرسيتەتىنىڭ ستۋدەنتى الينا سامال قۇتتىقتادى.
«ساعان، استانا!» ۆەلوجارىسىن جازعى وليمپيادا ويىندارىنىڭ قولا جۇلدەگەرى دميتريي كارپوۆ اشتى. وعان جۇزدەگەن ادام قاتىستى. ۇيىمداستىرۋشىلاردىڭ اقپاراتىنا قاراعاندا، قاتىسۋشىلاردىڭ ەڭ جاسى 9، ەڭ ۇلكەنى 65 جاستا.
12 شاقىرىمدىق تراسسانى وزگەلەرمەن بىرگە وبلىس اكىمى ن. ابدىبەكوۆ باعىندىردى.
ايماق باسشىسىنىڭ سوزىنە قاراعاندا، سوڭعى كەزدەرى ول كەشكە ۆەلوسيپەدپەن سەرۋەندەۋگە اۋەس.
ۆەلوجارىس قاتىسۋشىلارىنا سەرتيفيكاتتار تابىستالدى.
