13:30, 06 - شىلدە 2016 | GMT +5
استاناداعى ايتىستىڭ باس جۇلدەسىن ورالدىق اقىن الىپ كەتتى
استانا. قازاقپارات - بۇگىن ەلوردادا قالا كۇنىنە ارنالعان «مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالى اياسىندا وسىمەن 9-رەت وتكىزىلگەن رەسپۋبليكالىق اقىندار ايتىسى ءوز مارەسىنە جەتتى.
قازىلار القاسى ۇزدىكتەردى تاڭداۋدا ايتىسكەرلەردىڭ ءتۇرلى جانرلاردا ايتقان ولەڭ جولدارىنا باسا ءمان بەردى. وسىنداي سىننان سۇرىنبەي وتكەن ورالدان كەلگەن اقىن باۋىرجان شيمەردين باس جۇلدەنى جەڭىپ الدى.
ال اقتوبەلىك ايتىسكەر اقىن ەرشات قايبولدين ءبىرىنشى ورىندى يەلەنسە، ەكىنشى ورىنعا ەكى بىردەي اقىن لايىق دەپ تانىلدى. ولار - شىمكەنتتىك داۋرەن اقساقالوۆ پەن قىزىلوردالىق ەرجان ءامىروۆ. ۇزدىك ۇشتىككە بىردەن ءتورت اقىن يە بولدى. ولار - تۇركىستاندىق تۇرار تىلەۋليەۆ، تارازدىق ارۋنا كەرىمبەك، الماتىلىق اياۋلىم جۇمابەك جانە اقتوبەلىك مارات احمەتوۆتار.
اۆتور: كۇنسۇلتان وتارباي
