تارازداعى تۇرمەدە ۇيلەنۋ تويى ءوتتى
ەكى جاستى تولىققاندى وتباسى دەپ ايتۋعا نەگىز جوق. ويتكەنى كۇيەۋ جىگىتتىڭ بوستاندىققا شىعۋىنا ءالى بەس جىل بار. ءتىلشىمىز رۋسلان ءابدىحالىق تەمىر توردا قيىلعان نەكەگە كۋا بوپ قايتتى.
استانادا قىزمەت ىستەيتىن بوتاگوز ايبەكوۆا كۇنى كەشە تارازعا جەتىپتى. ونىڭ بولاشاق كۇيەۋىن كورمەگەنىنە ءبىراز ۋاقىت بولعان. سوندىقتان بويىندا قوبالجۋ بار. قاتاڭ تارتىپتەگى كولونيادا جازاسىن وتەپ جاتقان ورالبەك احانوۆتا تىپتەن مازا جوق. بىرنەشە كۇننەن بەرى ۇيقىسىز تۇندەردى وتكىزگەن ول، اقىرى قالىڭدىعىمەن قاۋىشتى. وسىلايشا ەكى جاس تورگە شاقىرتىلىپ، ولارعا كوشەمەت كورسەتىلدى.
ورالبەكتىڭ جاسى 38 دە، بوتاگوز ودان ەكى جاس ۇلكەن. ەكەۋى دە ءبىر اۋىلدىڭ تۋمالارى. بۇرىننان كوڭىلدەرى جاراسقان جۇپ ازاماتتىق نەكەدە تۇرىپتى. ورتاق جالعىز قىزدارى بار. وزدەرى ەندى شاڭىراق كوتەرەمىز دەپ جۇرگەندە ورالبەك ەسىرتكى ساتتى دەگەن ايىپپەن 12 جىلعا سوتتالعان. جەتى جىل بويى بايلانىستارىن ۇزبەگەن جۇپ، اقىرى زاڭدى تۇردە نەكە قيدى.
«وسى ۋاقىتقا دەيىن ءبىر- بىرىمىزبەن بايلانىستا بولدىق. سىرلاسىپ، سىرىمىزدى ايتىپ جۇردىك. ەندى اللاعا شۇكىر وسى كۇنگە جەتكەنىمىزگە. باقىتتىمىن، ءار قاشاندا باقىتتى بولاتىنىمزعا سەنەمىن»، - دەيدى قالىڭدىق بوتاگوز ايبەكوۆا.
ورالبەك ءالى بەس جىل جازاسىن وتەۋى ءتيىس. سوندىقتان بوتاگوزگە كۇيەۋىن كۇتۋدەن باسقا امال جوق. ال، بيىل 158/4 كولونياسىندا وسىمەن 10 جۇپ شاڭىراق كوتەرگەن. تۇرمە باسشىلىعى بۇگىنگى ەرلى- زايىپتىلارعا ەرەكشە سىي ازىرلەپتى. ياعني، جاس جۇبايلارعا بال ايىن وتكىزۋگە جولداما بەرمەسە دە، مەكەمەدە ەكى كۇن، ەكى ءتۇن بىرگە بولۋعا مۇمكىندىك جاسادى.
