ا ق ش- تا قاڭعىباس بالا مەكتەپتى ۇزدىك ءبىتىردى
بۇل تۋرالى dailymail.co.uk حابارلادى. مەكتەپ وقۋشىسى بۇدان بەس جىل بۇرىن اناسى ومىردەن وزعاننان كەيىن باسپاناسىز قالعان. العاشقىدا ول تۋعان- تۋىستارىنىڭ ۇيلەرىن جاعالاعان. ال ەسەيگەن سوڭ ولاردىڭ ءبارى تەرىس قاراعان. قىسقاسى لييون دە سيلۆا ءۇيسىز قالدى. ءبىراق قيىنداقتار ونىڭ ۇزدىك وقۋىنا بوگەت بولا المادى.
سوڭعى ءۇش جىل ىشىندە (17 جاسىنان باستاپ) ول كوشەدە ءجۇردى. تەحاس ساياجايىنداعى ورىندىقتارعا تۇنەۋگە ءماجبۇر بولدى. ءبىراق بوزبالا مەكتەپتى تاستامادى. كەيىنىرەك لييون وقيتىن مەكتەپتەگىلەر ونىڭ جاعدايى تۋرالى ءبىلدى. ۇزدىك وقۋشىلارىنىڭ ءبىرىنىڭ كوشەدە ءومىر ءسۇرىپ جاتقانىن بىلگەن ديرەكتور مەكتەپ اكىمشىلىگىمەن بىرلەسىپ ءۇيسىز جانعا كومەكتەسۋدى ۇيعاردى.
ءبىلىم شاڭىراعىنىڭ باسشىسى قاشان تەگىن پاتەر تابىلعانشا ءوز قالتاسىنان تولەپ، بالانى قوناقۇيگە ورنالاستىردى.
سونداي- اق دە سيلۆا كوللەدجدە تەگىن وقۋعا گرانت ۇتىپ الدى. مۇنداي گرانتتار تەك دارىندى بالالارعا عانا بەرىلەدى.
