جاپونيانىڭ وڭتۇستىگى بيىلعى جىلعى العاشقى تايفۋنعا دايىندالىپ جاتىر - فوتو

استانا. قازاقپارات - جاپونيادا بيىلعى ماۋسىمداعى العاشقى «نەپارتاك» تايفۋنى ەلدىڭ وڭتۇستىگىنە تاياپ كەلەدى، دەپ ءمالىم ەتتى مەتەورولوگيالىق باسقارما.

وتە كۇشتى دەپ جورامال جاسالعان تايفۋن وكيناۆا پرەفەكتۋراسىنداعى ساكيسيما ارحيپەلاگىنا جاقىنداپ قالعان. قازىرگى تاڭدا تايفۋن فيليپپيننىڭ شىعىسىندا ءجۇر، الايدا وسى بەيسەنبىدە ساكيسيما ارالدارىنا جاقىندايدى. وسىعان بايلانىستى سارسەنبىدە مياكودزيما جانە يسيگاكي ارالدارى اۋدانىندا تولقىننىڭ بيىكتىگى 4 مەترگە دەيىن جەتۋى مۇمكىن.

تايفۋننىڭ جاقىنداي تۇسكەنىنەن قورىققان بالىقشىلار قايىقتارىن بەكىتىپ، الداعى كۇندەرى تەڭىزگە شىعۋدان باس تارتىپ وتىر.

ادەتتە تايفۋندەر كوكتەمدە ويانادى. ولارعا ستاتيستيكا جۇرگىزىلگەن سوناۋ 1951-جىلدان بەرى، تايفۋن تەك 1973- جانە 1998-جىلدارى عانا شىلدەدە پايدا بولعان.