ن. نازاربايەۆ قىتايدىڭ بارلىق باسشىلارىمەن تەرەزەسى تەڭ، دوستىق ءراۋىشتى ءارى سەنىسكەن قاتىناستار قۇرا ءبىلدى
قازاقستان رەسپۋبليكاسى پرەزيدەنتىنىڭ حالىقارالىق ماسەلەلەر بويىنشا كومەكشىسى نۇرلان ونجانوۆ «ەگەمەن قازاقستان» گازەتىندە جارىق كورگەن «نۇرسۇلتان نازاربايەۆتىڭ حالىقارالىق كەلىسسوزدەرىنىڭ كوزگە كورىنبەيتىن قىرلارى» دەگەن تاقىرىپتاعى ماقالاسىندا وسىلاي دەپ جازادى.
«بۇگىنگى تاڭدا قىتاي-قازاقستاننىڭ ەڭ ءىرى سىرتقى ساۋدا جانە ينۆەستيتسيالىق ارىپتەستەرىنىڭ ءبىرى. سونىمەن بىرگە، 25 جىلدان استام بۇرىن، ياعني كەڭەس كەزىندە بەيجىڭمەن بارلىق بايلانىستار تەك ماسكەۋ ارقىلى عانا ىسكە اسىپ وتىرعانى قۇپيا ەمەس. قازاقستان تاۋەلسىزدىك العاننان كەيىن نۇرسۇلتان ءابىش ۇلى الەمنىڭ اسا ءىرى ەلىمەن - ب ۇ ۇ قاۋىپسىزدىك كەڭەسىنىڭ جانە يادرولىق كلۋبتىڭ تۇراقتى مۇشەسىمەن قاتىناستى ءوز بەتىمەن «نولدەن» باستاپ قۇرۋعا ءتيىستى جاعدايدا قالدى. سوعان قاراماستان، جياڭ زىمين، حۋ جينتاۋ، شي جينپيڭ سىندى بارلىق قىتاي كوشباسشىلارىمەن ءبىزدىڭ مەملەكەت باسشىسى تەرەزەسى تەڭ، دوستىق ءراۋىشتى ءارى سەنىسكەن قاتىناستار قۇرا ءبىلدى. مىسالى، ق ح ر- دىڭ ءىس باسىنداعى ءتوراعاسى شي جينپيڭ 2013-جىلدىڭ قىركۇيەگىندە ءوزىنىڭ قازاقستانعا العاشقى ساپارىن جاساعان كەزىندە-اق شىعىس فالساپاسىنىڭ تەرەڭ مازمۇنىنا ساي، نۇرسۇلتان نازاربايەۆتىڭ تاجىريبەلى دانا ساياساتكەر ءھام ارىپتەس ەكەندىگىن تانىدى. سوندىقتان، قىتاي باسشىسى قازاقستان پرەزيدەنتىن 2015-جىلعى ساۋىردەگى سايلاۋداعى جەڭىسىمەن العاشقىلاردىڭ ءبىرى بولىپ جەكە ءوزى تەلەفون ارقىلى دا، جەدەلحات جولداپ تا، ءارى نۇرسۇلتان ءابىش ۇلى قايتا سايلانعاننان كەيىن قازاقستاننىڭ شەتەلدىك ءبىرىنشى قوناعى بولىپ كەلگەنىندە استاناداعى اڭگىمە بارىسىندا دا قۇتتىقتادى»، - دەپ جازادى ن. ونجانوۆ.
اۆتوردىڭ اتاپ وتۋىنشە، جوعارى دەڭگەيدەگى ۋاعدالاستىقتار مەن قول قويىلعان قۇجاتتار 45 ناقتى جوبانى ىسكە اسىرۋ ءۇشىن قازاقستان ەكونوميكاسىنا 23 ميلليارد دوللار قىتاي ينۆەستيتسياسىن تارتۋعا مۇمكىندىك بەردى. «نۇرلى جول» جانە ج ج ە ب باعدارلامالارىن ساباقتاستىرۋ ۇدەرىسى ىسكە قوسىلدى.
ن. ونجانوۆ ءوز ماقالاسىندا ەكى ەل باسشىلارىنىڭ ءوزارا كەزدەسۋلەرى مەن ءبىر-بىرىنە ساپارلارى ستراتەگيالىق ارىپتەستىككە، تەڭ قۇقىقتىلىق پەن ءوزارا تيىمدىلىككە نەگىزدەلگەن قازاقستان مەن قىتاي اراسىنداعى دوستىق جانە تاتۋ كورشىلىك قاتىناستاردى بولاشاقتا كەلەسى بۋىن باسشىلاردىڭ ساقتاپ، ودان ءارى دامىتۋىنا قوسقان ۇلەس ەكەندىگىن باسا اتاپ وتەدى.
اۆتور: مارلان جيەمباي
