17:33, 05 - شىلدە 2016 | GMT +5
الماتىنىڭ حايۋاناتتار باعىندا بايلانىس زووباعى اشىلادى - فوتو
الماتى. قازاقپارات - الماتى قالاسىنىڭ حايۋاناتتار باعىندا ەرتەڭ، 6- شىلدە كۇنى ارنايى بايلانىس زووباعى اشىلادى.
وندا زووباققا كەلگەن بالالار مەن ەرەسەكتەرگە جانۋارلاردى ۇستاۋعا، سيپاۋعا، ءتىپتى قورەكتەندىرۋگە رۇقسات بەرىلەدى.
«ارنايى بايلانىس زووباعى حايۋاناتتار باعىنىڭ بەلگىلى ءبىر اۋماعىندا اشىلادى. وندا قوياندار، تاۋىقتار، تاۋىستار، تەڭىز شوشقاسى، ءتىپتى پوني بولادى. بارلىعى - 20 شاقتى جانۋار. ولاردىڭ ءارقايسىسىنا جەكە ورىن بەلگىلەنگەن. الداعى ۋاقىتتا ولاردىڭ قاتارىنا جىلاندار جانە باسقا دا ەكزوتيكالىق جانۋارلار كەلىپ قوسىلادى»، - دەلىنگەن الماتى قالالىق حايۋاناتتار باعىنىڭ مالىمدەمەسىندە.
ايتا كەتەلىك، بايلانىس زووباعى بيىل قازان ايىنا دەيىن جۇمىس ىستەيدى.
دەگەنمەن، حايۋاناتتار باعى باسپا ءسوز قىزمەتىنىڭ حابارلاۋىنشا، باسشىلىق بولاشاقتا بايلانىس زووباعىن جىل ون ەكى اي جۇمىس ىستەيتىن زووباققا اينالدىرۋدى جوسپارلاپ وتىر.
