ريو وليمپياداسىنىڭ ءۇمىتى: ابىلايحان ءجۇسىپوۆ
سولاردىڭ ءبىرى قاراعاندى وبلىسىنىڭ تۇلەگى ابىلايحان ءجۇسىپوۆ. بيىل وليمپيادا ويىندارىنا تۇڭعىش رەت قاتىسقالى وتىرعان تالانتتى باۋىرىمىزدىڭ جولىنا قازاق ەلى ۇمىتپەن قارايتىنى بەلگىلى.
ولاي دەيتىنىمىز ابىلايحان جاسوسپىرىمدەر اراسىندا جۇرگەندە-اق، كوزگە ءتۇسىپ ءوز قۇربىلارىنىڭ الدىندا ءجۇردى. ءبىراز بيىكتەردى دە باعىندىرىپ ۇلگەردى.
ەندى مىنە ەرەسەكتەر دۋىنا ىلەسىپ العاش رەت ەل نامىسىن قۇرلىقتىڭ ارعى بەتىندە ابىرويمەن قورعاپ قايتۋعا بەل بۋىپ وتىر. ءبىز جەرلەسىمىزگە تەك ساتتىلىك جولداس بولسىن دەپ تىلەيىك.
ابىلايحان ءجۇسىپوۆ
تۋعان كۇنى/جىلى: 10.01.1997
تۋعان جەرى: قاراعاندى وبلىسى. اباي اۋدانى
سالماعى: 64 كەلى
باپكەرى: ب. امانبايەۆ، ا. رايش
جەتىستىكتەرى:
جاسوسپىرىمدەر اراسىندا قازاقستان چەمپيونى (2013)؛
جاسوسپىرىمدەر اراسىندا ازيا چەمپيونى (2013)؛
جاسوسپىرىمىدەر اراسىندا الەم چەمپيوناتىنىڭ جەڭىمپازى (2013)؛
جاسوسپىرىمدەر وليمپياداسىنىڭ جەڭىمپازى (2014)؛
حالىقارالىق دارەجەدەگى سپورت شەبەرى.
ابىلايحان ءجۇسىپوۆ ريو وليمپياداسىنا جولدامانى قىتايدا وتكەن بوكستان ازيا جانە مۇحيت ايماعى ەلدەرى اراسىنداعى تۋرنيردە قانجىعاسىنا بايلادى. رەيتينگتە 1-ورىندا تۇر.
ايتا كەتەيىك، بيىل ءبىزدىڭ جىگىتتەرىمىز وليمپيادا ويىندارىنا تۇڭعىش رەت تولىق قۇراممەن بارا جاتىر. بۇعان دەيىن ءتورتجىلدىقتىڭ باستى سىنىنا 91 كەلى سالماق دارەجەسىندە بىردە- ءبىر بوكسشىمىز قاتىسپاعان بولاتىن.
اۆتور: كۇنسۇلتان وتارباي
