شالعاي ەلدى مەكەندەردىڭ تۇرعىندارى الەۋمەتتىك ءمانى بار اۋرۋلار بويىنشا مەديتسينالىق كومەكتى تەگىن الادى
شارا بارىسىندا شالعايداعى ەلدى مەكەندەرگە قۇرامىندا تەراپيەۆتەر، كارديولوگتار، ەندوكرينولوگتار، ونكولوگتار مەن سالاۋاتتى ءومىر سالتىن قالىپتاستىرۋ قىزمەتىنىڭ ماماندارى بار مەديتسينالىق جۇمىلدىرۋ توپتارىن جىبەرۋ ۇيىمداستىرىلادى.
اۋىل تۇرعىندارى الەۋمەتتىك ءمانى بار اۋرۋلاردىڭ الدىن الۋ تۋرالى كەڭەس الىپ، تەگىن تەكسەرۋدەن وتە الادى. بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتىنەن حابارلادى.
اتالعان اكسيانىڭ ماقساتى - قوعام مەن مەملەكەتتىك ورگانداردىڭ نازارىن اۋىل تۇرعىندارىنىڭ دەنساۋلىعىن قورعاۋ مەن ساقتاۋ سونىمەن قاتار، الەۋمەتتىك ءمانى بار اۋرۋلاردىڭ الدىن الۋ، سالاۋاتتى ءومىر سالتىن قالىپتاستىرۋ ماسەلەلەرىنە اۋدارۋ، ءارتۇرلى اۋرۋلاردىڭ پروفيلاكتيكاسى بويىنشا اۋىل تۇرعىندارىنا اقپاراتتىق- اعارتۋشىلىق جانە كونسۋلتاتيۆتى- دياگنوستيكالىق كومەك كورسەتۋ، قاۋىپتى مىنەز- قۇلىق فاكتورلارىنىڭ تارالۋىن تومەندەتۋ بولىپ تابىلادى.
جۇقپالى ەمەس اۋرۋلاردان (جۇرەك- قانتامىرلارى، ونكولوگيالىق اۋرۋلار، تىنىس الۋ مۇشەلەرىنىڭ سوزىلمالى پاتولوگياسى، قانت ديابەتى جانە ت. ب.) تەمەكى شەگۋ، تاماقتانۋدىڭ دۇرىس ەمەس ءتارتىبى، فيزيكالىق جۇكتەمەنىڭ جەتكىلىكتى دەڭگەيدە بولماۋى (گيپوديناميا)، ىشىمدىك ءىشۋ سياقتى جالپى فاكتورلار، سونىمەن قاتار، ەرتە دياگنوستيكالاۋ مەن ەمدەۋ شارالارى ارقىلى ايتارلىقتاي دارەجەدە ارىلۋعا بولادى.
ەستەرىڭىزگە سالا كەتەيىك، «دەنساۋلىق جولى» كەڭ كولەمدى اكسياسى جىل سايىن شالعايداعى اۋىل تۇرعىندارىنا ساپالى ءارى قولجەتىمدى مەديتسينالىق كومەك كورسەتۋ ماقساتىندا وتكىزىلىپ تۇرادى.
