استانادا تۇڭعىش كوشپەلىلەر مۋزەيى اشىلادى - فوتو
بۇل - «مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالى جانە ءداستۇرلى تۇركى مۋزىكا ونەرىنە ارنالعان «استانا ارقاۋ» فەستيۆالى. بۇل تۋرالى استانا قالاسىنىڭ مادەنيەت باسقارماسى حابارلادى.
شىلدەنىڭ 3 ىنەن 6 سىنا دەيىن ءوتىپ جاتقان «مىڭجىلدىقتار توعىسىنداعى استانا» فەستيۆالىنىڭ ءار كۇنى قوناقتارعا كوپتەگەن مادەني شارالار سىيلايدى. سولاردىڭ قاتارىندا - ۇلت-ازاتتىق كوتەرىلىستىڭ 100 جىلدىعىنا ارنالعان «ەرەۋىل اتقا ەر سالماي» ەپيكالىق اندەر كونسەرتى، جامبىل جابايەۆتىڭ 170 جىلدىعىنا ارنالعان كونسەرت، دانەش راقىشيەۆتىڭ 90 جىلدىعىنا ارنالعان ءدارىس- كونسەرت، ق ر تاۋەلسىزدىگىنىڭ 25 جىلدىعىنا ارنالعان «قوڭىراۋلى نايزا» ەپوس كەشى جانە ت. ب.
فەستيۆالدىڭ ءاربىر كۇنى نۇرلان ونەربايەۆ، ساۋلە جانپەيىسوۆا جانە ەرلان رىسقالي سىندى ارتيستەردىڭ، سونداي-اق، «سازگەن سازى»، «حاسساق»، «سارى ارقا» سياقتى فولكلورلىق-ەتنوگرافيالىق انسامبلدەردىڭ شىعارماشىلىق كەشتەرىمەن اياقتالادى.
سونىمەن بىرگە، شارا وتەتىن كۇندەرى كورەرمەندەر جايداربەك كۇنعوجينوۆتىڭ جەتەكشىلىگىندەگى، ات قۇلاعىندا وينايتىن «Nomad» كاسكادەرلەر توبىنىڭ شەبەرلىكتەرىن تاماشالايتىن بولادى. «ات جالىندا» شوۋ-باعدارلاماسىنا قىتايدا جانە گولليۆۋدتا جوعارى باعالانعان ۇجىمنىڭ 25 سپورتشىسى قاتىسادى.
كوشپەلىلەر تۇرمىسىن كيىز ءۇيسىز ەلەستەتۋ مۇمكىن ەمەس! دالا كوشپەلىلەرىنىڭ كونە ۇيلەرى ەتنوقالاشىققا كورىك بەرسە، ونىڭ ءدال ورتاسىنا فەستيۆالدىڭ باستى كونسەرت الاڭىنا اينالاتىن الىپ شاتىر تىگىلەدى.
فەستيۆال كۇندەرى تاڭعى ساعات 11 دەن 22:30 عا دەيىن قوناقتار قولونەر شەبەرلەرىنىڭ جارمەڭكەسىن ارالاپ، اتا-بابالارىمىزدىڭ باي تاريحى مەن مادەنيەتىمەن تانىسىپ، اسەر ەتەرلىك ينستاللياتسيالاردى، شەبەرلىك دارىستەرىن جانە سپورتتىق جارىستاردى تاماشالاي الادى. بيىلعى فەستيۆالدىڭ جاڭالىعى كوشپەلىلەر مۇراجايى بولماق. بەس كيىز ۇيدەن تۇراتىن مۇراجايدا قوناقتار كونە كوشپەلىلەر مادەنيەتىنىڭ جادىگەرلەرىمەن جانە ەسكەرتكىشتەرىمەن تانىسۋعا مۇمكىندىك الادى.
تاعى ءبىر ماڭىزدى شارا - «استانا ارقاۋ» فەستيۆالى شىلدەنىڭ 4 ىنەن 6 سىنا دەيىن جالعاسادى. تۇركى مۋزىكاسىنىڭ ۇزدىك ورىنداۋشىلارىنىڭ كونسەرتتەرى «استانا وپەرا» تەاترىنىڭ كامەرالىق زالىنىڭ ساحناسىندا، ال فەستيۆالدىڭ سالتاناتتى جابىلۋى «حان شاتىر» س و و ماڭىنداعى ەتنوقالاشىقتىڭ الاڭىندا وتەدى.
بيىلعى فەستيۆال ساحا، گاگاۋز، التاي، قىرعىز، تۇرىك، تۇركمەن، وزبەك، قۇمىق، ازەربايجان، قاراقالپاق، نوعاي حالىقتارى وكىلدەرىنىڭ باسىن قوسىپ وتىر، سونداي-اق، شاراعا العاش رەت قاتىسۋ ءۇشىن استاناعا قىرىم تاتارلارى جانە يران جەرىندەگى تۇركىتىلدەس حالىق - قاشقايلار كەلەدى. شەتەلدەن كەلگەن ونەرپازدار قازاق اندەرىن دە ورىندايتىن بولادى.
