استانا ساليدات قايىربەكوۆانى سوڭعى ساپارعا شىعارىپ سالدى - فوتو
قارالى راسىمگە استانانىڭ مەديتسينا سالاسىنىڭ قاۋىمى، ۇكىمەت جانە پارلامەنت مۇشەلەرى، مارقۇمنىڭ تۋىستارى مەن دوستارى كەلدى. س. زەكەن قىزىمەن قوشتاسۋعا نيەت بىلدىرگەن حالىق «ۇلتتىق عىلىمي كارديوحيرۋرگيا ورتالىعى» ا ق كونفەرەنس زالىنا سىيماي كەتتى.
«ول ارينە، ءوز ءىسىنىڭ شەبەرى جانە وتە جاقسى ارىپتەس بولدى. كۇن-ءتۇن دەمەي دەمالىسسىز جۇمىس ىستەپ، ءوزىن ەڭبەككە ارناعان جان. ءبىلىمدى ەدى، جاڭا تەحنولوگيالاردى بىلۋگە قۇمارتتى. مىنا ورتالىق س. زەكەنقىنىڭ قاتىسۋىمەن سالىنعان بولاتىن. ونىڭ ومىردەن ەرتە وتكەنى وكىنىشتى. وتباسىنا قايعىرىپ، كوڭىل ايتامىز»، - دەدى استانا قالاسىنىڭ اكىمى اسەت يسەكەشەۆ.
رەسپۋبليكالىق ترانسپلانتاتسيا ورتالىعىنىڭ جەتەكشىسى جاقسىلىق دوسقاليەۆ ساليدات قايىربەكوۆانىڭ وتە جاۋاپتى ەكەنىن ايتتى. «ول قازاقستاننىڭ دەنساۋلىق ساقتاۋ جۇيەسىنە تۇڭعىش رەت ليتسەنزيالاۋدى، اككەديتاتسيالاۋدى، اتتەستاتسيالاۋدى ەنگىزدى. ۇكىمەتتىك ەمەس ۇيىمدارداعى دەنساۋلىق ساقتاۋ جۇمىستارىنىڭ دامۋى تۋرالى دوكتورلىق جۇمىسى «سالاماتتى قازاقستان» مەملەكەتتىك باعدارلاماسىنىڭ نەگىزى بولدى»، دەپ اتاپ ءوتتى ول.
س. قايىربەكوۆانى جەرلەۋ ءراسىمى 2016 -جىلى 5 -شىلدەدە، ساعات 11.00 دە قاراعاندى وبلىسى كيەۆكا اۋىلىندا وتەدى.
