جۇلدىزشى بايان ەسەنتايەۆانىڭ كۇيەۋىمەن قاشان اجىراساتىنىن ايتتى

استانا. قازاقپارات - شوقان مارات ۇلىنىڭ باعدارلاماسىنا كەلگەن جۇلدىزشى مامان بايان ەسەنتايەۆانىڭ وتباسىندا كوپ جىلدان بەرى قيىندىقتار بولىپ جاتقانىن ايتتى.

مۇنىمەن قاتار، مامان پروديۋسەردىڭ جۋىردا كۇيەۋىمەن اجىراساتىنىن، 44 جاسىندا ادام ايتسا نانعىسىز تابىسقا كەنەلەتىنىن تىلگە تيەك ەتتى. بۇل تۋرالى  "Stan.kz" حابارلايدى.

ءانشى شوقان مارات ۇلى وتاندىق ارنالاردىڭ بىرىندە باعدارلاما جۇرگىزىپ ءجۇر. ول باعدارلامانىڭ كەزەكتى تۇسىرىلىمىنە بەلگىلى جۇلدىزشى كلارا كۇزدەنبايەۆانى شاقىرعان. مامان ءوز كەزەگىندە تاجىريبەسىمەن ءبولىسىپ، بايان ەسەنتايەۆانىڭ جۋىردا جولداسىمەن اجىراساتىندىعىن ايتقان. مۇنىمەن قاتار، ول پروديۋسەرگە قايعىلى وقيعا تۋرالى الدىن الا ەسكەرتۋ جاساماق بولعاندىعىن جەتكىزدى.

«نۋمەرولوگيادا » «قاۋىپتى بايلانىس» دەگەن تۇسىنىك بار. ەكى ادامنىڭ قارىم- قاتىناسى باسىنان باستاپ جايسىز بولادى. مەن بايان ەسەنتايەۆانىڭ تۋعان جىلىن، ايى، كۇنىن جاقسى بىلەمىن. وسىدان بىرنەشە جىل بۇرىن كونسۋلتاتسيا دا جۇرگىزگەن بولاتىنمىن. ونىڭ «باعدارلاماسىندا» ءۇش «4» بار. ال «4» دەگەنىمىز - توزىمدىلىك پەن ادىلەتتىلىك. ادەتتە تۋعان كۇنىندە «4» سانى جوقتار ۇرىسقاق، سوزشەڭ كەلەدى.

شىنى كەرەك، ونىڭ نەكەسى باياننىڭ توزىمدىلىگىنىڭ ارقاسىندا عانا ۇستالىپ تۇردى. بۇل نەكەنىڭ باسىنان باستاپ- اق باقىتسىزدىققا بۇيىرعانى بەلگىلى بولعان. سەبەبى، ەكەۋىنىڭ ستيحيالارى ساي كەلمەيدى. ءوزى - تاۋەشكى، ال كۇيەۋى - ەگىزدەر»، - دەيدى جۇلدىزشى مامان.

مامان بايان حانىمعا قايعىلى وقيعا تۋرالى ۇلى ارقىلى الدىن الا ەسكەرتپەك بولعان. الايدا كەشىگىپ قالعان ەكەن.

«استانادا تۇراتىن ۇلىم دا نۋمەرولوگيامەن اينالىسادى. مەن وعان حابارلاسىپ » باعدارلامادان سوڭ نەگە بايانعا ەسكەرتپەدىڭ؟ " دەدىم. ول «اناشىم، بيىل ول ءۇشىن قاۋىپتى جىل بولادى. كۇيەۋىڭىزدىڭ تۋعان كۇنىنەن كەيىن جايسىز كۇندەر باستالادى دەپ ايتقانمىن» دەپ جاۋاپ بەردى. كۇيەۋىنىڭ تۋعان كۇنى 28 - مامىر. ارادا 13 كۇن وتكەن سوڭ قايعىلى وقيعا ورىن الدى. ارينە، بۇل ءبىر كۇننىڭ ناتيجەسى ەمەس، ولار كوپ جىلدان بەرى باقىتسىز بولىپ كەلەدى. جۋىردا ءسوزسىز اجىراسادى"، - دەيدى مامان.

بۇدان وزگە كلارا كۇزدەنبايەۆا 2016 -جىلى بايان حانىمنىڭ جۇمىستارى ايتارلىقتاي جۇرمەسە دە، 44 جاسىندا ادام ايتسا نانعىسىز تابىسقا كەنەلەتىندىگىن جەتكىزدى. مۇنىمەن قاتار، دەنساۋلىعى تولىقتاي قالپىنا كەلىپ، مانساپ جولىندا كوپتەگەن جەتىستىككە جەتەتىنىن ايتتى.