10:43, 04 - شىلدە 2016 | GMT +5
شۆەيتساريادا كەسىرتكە روبوت جاسالدى - كەسكىن
استانا. قازاقپارات - لوزاننا قالاسىنداعى شۆەيتساريانىڭ جوعارى تەحنيكالىق مەكتەبىنىڭ ماماندارى (Swiss Federal Institute of Technology) سالاماندرا كەسىرتكەسىنىڭ قيمىل- قوزعالىسىن اينىتپاي قايتالايتىن روبوت جاسادى.
ول 3D باسپادان شىعارىلدى، رابوتتىڭ جۇيكە جۇيەسىنىڭ جۇمىسىنا ەلەكتروندى كەستە جاۋاپ بەردى. بۇل تۋرالى National Geographic حابارلايدى.
مەحانيكالىق روبوتتى جاساۋشىلار جوباعا سالاماندرانىڭ رەنتگەن سۋرەتى مەن باۋىرىمەن جورعالاۋشىنىڭ سۋدا جانە قۇرعاقتاعى ءجۇرىسى تۇسىرىلگەن ۆيدەونى پايدالاندى. EPFL ماماندارى بۇل قاڭقانىڭ 3D- مودەلىنە نەگىزدەلگەن العاشقى روبوت دەپ ءمالىم ەتتى.
جوبا ومىرتقالىلاردىڭ قاڭقا قۇرىلىسىن تەرەڭىرەك تۇسىنۋگە مۇمكىندىك بەرەدى. وسىعان نەگىزدەي وتىرىپ ارى قاراي ادامداردىڭ جەتىلدىرىلگەن نەيروپروتەزدەرىن جاساۋعا بولادى، ول مۇگەدەك ادامدارعا كومەككە كەلەدى.
