ادامدار نەگە قورقادى؟
ولارعا قورقۋ سەزىمىن ۇيرەتۋ. مىنە، بۇل - ولاردىڭ ءومىر ءسۇرۋىنىڭ بىردەن- ءبىر قۇپياسى. قورقۋدى ۇيرەنۋ - ادامداردىڭ ورتامەن ۇيلەسۋ ۇدەرىسىنىڭ باستى كەزەڭى. ويتكەنى، قورقۋ پسيحيكاسى ادامعا قورعان بولادى.
بىردە زەرتتەۋ جۇرگىزگەن عالىمدار ەرەسەكتەر جانە بالالارمەن ۇزاق ۋاقىت بىرگە بولىپ، بالالاردىڭ كۇندەلىكتى تۇرمىسىن باقىلاعان. ناتيجەسىندە، بالالار ءوزى قورىققان قۇبىلىسى ارقىلى، قاۋىپتەن امان بولعانىنا كوز جەتكىزگەن. ياعني بيىكتىكتەن قورىققان بالا، قۇلاپ قالۋ قاۋپىنەن ادا بولعان.
ادامدا قورقۋ سەزىمى تۋا ءبىتتى قالىپتاسادى. بۇرىن كوپتەگەن پسيحولوگ ادامزات قورقۋدى جۇرە كەلە ۇيرەندى دەدى. شىنتۋايتىندا، ۇرەي پسيحيكاسى ادامدا تۋا ءبىتتى پايدا بولادى. بۇل - ءبىزدىڭ تابيعي قورعانۋ قابىلەتىمىز. قۇلاپ كورمەگەن بالا بيىكتەن قورقپاي ما؟ كەرىسىنشە، ولار بۇرىننان بيىكتىكتەن قورقادى، سوندىقتان جىعىلىپ كورمەگەن.
ءسىز «ەگەر قورقۋ پسيحيكاسى تۋما قاسيەت بولسا، مەن نەگە بيىكتىكتەن ەش قورىقپايمىن» دەپ سۇراۋىڭىز مۇمكىن. قورقۋ سەزىمى - لەزدىك ەففەكت. ياعني، ءسىز بەلگىلى دارەجەدەگى بيىكتىكتەن ءبىر ءسات قورقىپ كەتۋىڭىز مۇمكىن. الايدا ۇلكەن ميىڭىز تولىسىپ، گورموندارى جەتىلىپ، قىسىم جينالىپ، بەلگىلى دارەجەگە بارعاندا عانا بۇل قورقۋ ءتۇرى جوعالادى.
