16:35, 03 - شىلدە 2016 | GMT +5
استانالىق بالۋاننان «قازاقستان بارىسىنىڭ» قولا جۇلدەگەرى رۋسلان ءابدىرازاقوۆ جەڭىلىپ قالدى
استانا. قازاقپارات - استانادا تورىندە ۇلت كوشباسشىسى - قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ جۇلدەسى ءۇشىن «قازاقستان بارىسى» رەسپۋبليكالىق تۋرنيرى ءوتىپ جاتىر.
«قازاقستان بارىسىنىڭ» 2014-جىلعى قولا بەلبەۋ يەگەرى رۋسلان ءابدىرازاقوۆ استانالىق بالۋان ايتۋار ابدۋلوۆقا جول بەردى. العاشقى اينالىمدا رۋسلان ءابدىرازاقوۆ قاراعاندىلىق «قازاقستان بارىسىنىڭ» 2014-جىلعى كۇمىس جۇلدەگەرى اسىل بارمەنوۆتان ايلاسىن اسىرعان بولاتىن. وكىنىشكە قاراي، استانالىق بالۋانعا شاماسى جەتپەدى.
اۆتور: كۇنسۇلتان وتارباي
