تۇرىك ب ا ق- تارىنا شولۋ: ن. نازاربايەۆ تۇركيا مەن رەسەي اراسىنداعى قاتىناستى قالىپقا كەلتىرۋدە ماڭىزدى ءرول اتقاردى

وسىدان كەيىن سەگىز ايلىق ۇنسىزدىكتەن سوڭ ەكى ەلدىڭ باسشىسى تەلەفون ارقىلى سويلەستى.
جەرگىلىكتى ساراپشىلار مەن ب ا ق تۇرىك جانە رەسەيلىك تاراپتى 2015-جىلى قاراشا ايىندا رەسەيلىك اسكەري ۇشاق توڭىرەگىندە بولعان وقيعادان كەيىن تۋىنداعان ماسەلەلەردى شەشۋگە شاقىرعان بىتىمگەردى ىزدەدى.
كوپ كۇتتىرمەي جاۋاپ تا تابىلدى. الدىمەن تۇركيانىڭ پرەمەر-ءمينيسترى بينالي يىلدىرىم، كەيىن ەل پرەزيدەنتى رەدجەپ تايپ ەردوعان نۇرسۇلتان نازاربايەۆ تۇركيا مەن رەسەي اراسىنداعى قاتىناستى قالىپقا كەلتىرۋگە مول ۇلەس قوسقانىن مالىمدەدى.
وسىعان بايلانىستى ت ر- داعى ق ر ەلشىلىگىنىڭ باسپا ءسوز قىزمەتى قازاقستان پرەزيدەنتىنىڭ ىقپالداسۋىمەن انكارا مەن ماسكەۋ اراسىنداعى قاتىناستىڭ رەتتەلۋىنە ارنالعان تۇركيالىق باسپا باسىلىمدارى مەن ەلەكتروندىق ب ا ق ماتەريالدارىن ۇسىنادى.
وسىلايشا، تيراجى 140 مىڭ دانانى قۇرايتىن «Milliyet» بەلگىلى گازەتى «بۇل تۇلعا ىسكە ارالاستى: ەردوعان مەن پۋتين اڭگىمەلەستى» ماتەريالىن جاريالادى. مۇندا ق ر پرەزيدەنتىنىڭ تۇركيا مەن رەسەيدىڭ ىمىراعا كەلۋىنە قوسقان ءرولىن جوعارى باعالادى.
رەيتينگى جوعارى تۇركيالىق sondakika.com جانە haber7.com اقپارات اگەنتتىكتەرى «ول ەردوعان مەن پۋتيندى تاتۋلاستىردى»، «تۇركيا مەن رەسەي اراسىنداعى قامالدى بۇزعان» جانە «قۇتتىقتاۋ جانە العىس ايتۋ ءۇشىن نازاربايەۆقا سوعىلعان قوڭىراۋ» ماقالالارىن جاريالادى.
بۇل جاڭالىقتاردا «تۇرىك الەمىنىڭ اقساقالى» رەتىندە ايگىلى قازاقستان باسشىسى ن. نازاربايەۆ ر ف مەن ت ر اراسىنداعى داعدارىستىڭ باسىنان-اق ونى وتكەرۋ امالدارىن قابىلداعانى جازىلدى. ول تۇركيا-رەسەيلىك قاتىناستىڭ دامۋى ءۇشىن قولىنان كەلگەنىن جاساعانى اتالىپ ءوتىلدى. «2016-جىلى 6- اقپاندا ت ر پرەمەر-ءمينيسترى ا. داۆۋتوعلۋدى استانادا قابىلداعان ن. نازاربايەۆ بۇل جاعداي قازاقستانعا دا زاردابىن تيگىزىپ جاتقانىن ايتتى»، - دەگەن مەملەكەت باسشىسىنىڭ سوزدەرى كەلتىرىلدى.
ءارى قاراي قازاقستاندىق كوشباسشى تەك سوزبەن عانا ايتىپ قويماي ىسكە كىرىسكەنى جازىلدى. «ت. وزال جانە س. دەميرەل باسقارعان كەزدە دە تۇركيا-رەسەي قاتىناسىن جاقسارتۋ ءۇشىن، سونىمەن قاتار ەردوعان مەن پۋتين اراسىندا بايلانىس ورناتۋ ءۇشىن داعدارىس كەزەڭدەرىندە دە مول ۇلەس قوسقان. قارىم- قاتىناس ۋشىققان كەزدەرى ول تاراپتاردى سابىرلىققا شاقىردى. ديپلوماتيالىق امالداردى قولداندى»، - دەپ اتاپ ءوتتى باسىلىم.
كەي تۇرىك ساراپشىلارى تۇركيا مەن رەسەي اراسىنداعى قارىم-قاتىناستى رەتتەۋ ق ر پرەزيدەنتىنىڭ قولىنان عانا كەلەتىنى جايلى بولجاعان. «Ankara politikalar merkezi» ساراپتامالىق ورتالىعىنىڭ ديرەكتورى حاسان قانبولات «Cihan» اگەنتتىگىنىڭ سايتىندا 2016-جىلى 22- قاڭتاردا اعىلشىن تىلىندە جاريالاعان ءوزىنىڭ اۆتورلىق «تۇركيا مەن رەسەي اراسىنداعى شيەلەنىس نازاربايەۆ باسشىلىعىمەن تارقاتىلا الادى» ماقالاسىندا حالىقارالىق قاتىناستار جۇيەسىندەگى قازاقستاننىڭ ورنى مەن ءرولىن اتادى. سونىمەن قاتار ول ق ر پرەزيدەنتىنىڭ الەمدىك ارەناداعى بەدەلى جاۋلاسقان تاراپتار اراسىندا، اسىرەسە تۇركيا مەن رەسەيگە بايلانىستى بولعاندا مەدياتور بولۋعا مۇمكىندىك بەرەتىنى ايتىلدى.
«Karar» گازەتى «ۇدەرىسكە اقساقال قوسىلىپ، رەسەيمەن قاتىناستى جاقسارتتى» ماقالاسىن جاريالادى. «تۇركيالىق-رەسەيلىك قارىم-قاتىناستىڭ قالىپقا كەلۋىندەگى ساحنادان تىس جاعدايلار بەلگىلى بولدى. «تۇرىك الەمىنىڭ اقساقالى» رەتىندە بەلگىلى ن. نازاربايەۆ تۇركيا مەن رەسەي اراسىنداعى قاتىناستىڭ ودان ءارى ۋشىعۋىنا جول بەرمەدى. ول اتالعان حاتتى جازۋدى ۇسىنىپ، ونى جازۋدا كەڭەس بەردى»، - دەپ جازدى باسىلىم.
وسىلايشا، تۇرىكتىڭ ب ا ق- تارىنىڭ ءبىرىنشى پاراقتارىندا جاريالانعان وسىنداي ماتەريالداردا ق ر پرەزيدەنتى تۇركيالىق-رەسەيلىك قارىم-قاتىناستىڭ قالىپقا كەلتىرۋ باستاماسىن كوتەرگەنى جازىلعان.
جالپى تۇركيالىق-رەسەيلىك قارىم-قاتىناستىڭ رەتكە كەلۋى ماسەلەسى تۇركيادا قىزۋ تالقىلانۋدا. تۇركيا پرەزيدەنتىنىڭ ريزاشىلىعىن ر. ت. ەردوعاننىڭ ن. نازاربايەۆقا قوڭىراۋ شالۋى دالەلدەيدى. تۇركيا ليدەرى تەلەفون ارقىلى ق ر باسشىسىن جاقىن ارادا رەسمي ساپارىمەن انكاراعا شاقىردى.
سونىمەن قاتار، سوڭعى كۇندەرى ت ر- داعى ق ر ەلشىلىگىنە ەلدىڭ تۇكپىر-تۇكپىرىنەن تۋريزم جانە اۋىل شارۋاشىلىعى سالاسىنداعى ساراپشىلار مەن ىسكەرلىك توپتاردىڭ وكىلدەرى تەلەفون شالىپ، قازاقستان رەسپۋبليكاسىنىڭ پرەزيدەنتى ن. نازاربايەۆقا العىس ايتۋدا.