كەز كەلگەن مەملەكەتتىك رەفورما رەفورماتور ءۇشىن قاۋىپتى - ن. نازاربايەۆ
باس-اياعى 44 مينۋتقا جالعاسقان فيلم بارىسىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ەلىمىزدىڭ 25 جىلدىق تاريحىن قايتا قاراپ ءوتىپ، قيىن كەزەڭدەر مەن جەمىستى جىلدار جايلى ويىن ايتادى.
مىسالى، 1986-جىلى قازاقستان كوممۋنيستىك پارتياسىنىڭ ХVI سەزى جۇمىسىنىڭ سوڭعى، ءۇشىنشى كۇنىندە قازاقستاننىڭ ەكونوميكالىق-الەۋمەتتىك دامۋىنىڭ جوباسى بويىنشا نەگىزگى بايانداما جاساۋ ءۇشىن قازاقستان كوممۋنيستىك پارتياسى ورتالىق كوميتەتى بيۋروسىنىڭ مۇشەسى، مينيسترلەر كەڭەسىنىڭ ءتوراعاسى نۇرسۇلتان نازاربايەۆقا ءسوز بەرىلەدى. بايانداما بارىسىندا ەلدىڭ ەكونوميكاسىنداعى كەمشىلىكتەر، قىزمەتتىك ءتارتىپ بۇزۋ فاكتىلەرى مەن شارۋاشىلىقتاردىڭ بوساپ جاتقاندىعى تۋرالى ايتىلادى.
«ارينە، بۇل ەشكىمگە باعىنباي جاسالعان بايانداما بولدى. ءبىراق، مەن ەلدىڭ سول جاعدايىن ايتپاي قالا المادىم. ءبىراق، جانىما قاتتى باتقانى - ءوزىم قاتتى قۇرمەتتەيتىن باسشىمدى (دىنمۇحامەد قونايەۆ - اگەنتتىك) جەرگە قاراتقانىم. ارينە، مەن ول كىسىنىڭ جەكە باسىنىڭ قاسيەتىنە قاتىستى ەشتەڭە ايتقان جوقپىن، مەن تەك ەلدىڭ ەكونوميكالىق جاعدايىن ايتتىم. مەن ىشىمنەن كەرىسىنشە ەلدىڭ ەكونومكاسىنداعى كەمشىلىكتەردى ايتا وتىرىپ، وعان كومەكتەسىپ جاتىرمىن دەپ ويلادىم عوي. جاپ-جاس قىزمەتكە كەلگەن مەن «باسشىلىق ەلدىڭ جاعدايىنان بەيحابار» دەپ ويلادىم عوي (كۇلەدى). كەيىن قونايەۆتىڭ وزىنە دە ەكونوميكاداعى باسسىزدىقتار تۋرالى ايتتىم. ول كىسى وتىرىپ «بۇنى قالاي شەشەمىز؟» دەدى. وسى تۇرعىدان العاندا سول كەزدە تاۋەلسىزدىك تانىتتىق. ءبىراق مەن ءۇشىن سول كەزەڭ وتە قاۋىپتى ەدى. جالپى، كەز كەلگەن مەملەكەتتىك رەفورما رەفورماتور ءۇشىن قاۋىپتى» ، - دەدى ن. نازاربايەۆ دەرەكتى فيلم بارىسىندا.
اۆتور: كەنجەكەي توقتامۇرات قىزى
